ئەم بەیانییە پەیامێکم لە فەیسبووکەوە پێگەییشت کە 170 هاوڕێم ئەمڕۆ #01-07# ڕۆژی لەدایکبوونیانە و پیرۆزباییان لێبکە! من 170 دەناسم! لەوانەیە تۆ زۆرتریش بناسیت کە لەسەر پێناسەکەیان نووسراوە ڕۆژی 01-07 لەدایبکبوون.
چونکە ئێمە لە هیچ کات و سەردەمێکدا گرنگیمان بە یاداشت و ڕێکەوت و ڕووداو نەداوە، هەربۆیە نیوەی زۆری کورد بەتایبەتیی ئەوانەی تەمەنیان لە چلەکان و بەرەوژوورن نازانن لە چ ڕۆژێکدا لەدایکبوون.
رەوانشادی باوکم وەستا قادر ڕەسوڵ کاتی خۆی ڕۆژژمێرێکی هەبوو کە بەتەواوەتی ڕۆژی لەدایکبوونی ئێمەی تێدا تۆمار کردبوو، من و خوشک و براکانم خۆشبەختین کە دەزانین لە چ ڕۆژێکدا لەدایکبووین، بۆ نموونە من ڕۆژی #28-02-1966# لە گەڕەکی گۆیژەی شاری سلێمانی لەدایکبووم.
باوکیشم وەک من لەوەدا خۆشبەخت بووە و مەلا مستەفای کوڕی حاجی مەلا ڕەسوڵی #دێلێژە# (باوکی دکتۆر عێزەدین و کاک فاروقی مەلا مستەفا) کە خوێندەوار بووە و دراوسێیان بووە لە گەڕەکی سەرشەقامی سلێمانی، لە یاداشتێکیدا نووسیویەتی: ڕەسوڵە خڕەی دراوسێمان لە ڕۆژی #15-11-1935# کورێکی بوو و ناوی نا، قادر..
سوپاس بۆ هەردووکیان
#هاوڕێ باخەوان#
01-07-2015
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 10,775 car hatiye dîtin
Raya xwe li ser vî babetî binivîsin!