دەست نییه لە گۆزه مابێ
[1]
ڕووداوی ئەم پەندە لە یەکێک لە گوندەکانی ناوچەی (ڕانیه) ڕووی داوە. خەڵک بەم جۆرە دەیگێڕنەوە:
جارێک پیاوێک گۆزەیەکی دەبێ، گۆزەکە زۆر لای پیرۆز و خۆشەویستە؟ چونکە زۆربەی کارەکانی ناو ماڵی بەو گۆزەیه ڕادەپەڕێنێ.
دراوسێکەی گۆزەکە بۆ بەکارهێنان دەبا و شتی تێدەکات، دواتر دەیەوێت شتەکانی ناوی دەربهێنێت، دەستی لە گۆزەکەدا عاسی دەبێت، خاوەنی گۆزەکە ئەو هەواڵە دەبیستێ، خەڵکی لەکابرا کۆدەبنەوە، هەرچەند دەکەن دەستی لە گۆزەکە دەرنایەت.
خاوەنی گۆزەکە دەڵێ: بەهیچ جۆرێک قایل نابم گۆزەکە بشکێنن، دەبێ دەستی ببڕنەوە. خەڵکیش دەڵێن: ئاخر دەستی ببڕینەوە! ئەو پیاوە تووشی زەرەرێکی گەورە دەبێ!.. خاوەن گۆزە قایل نابێت، بە ناچاری دەستی کابرا دەبڕنەوە و دەستەکە لە گۆزەکەدا بەجێدەمێنێ و گۆزەکەش بە کەڵکی ئەوە نایەت شتی تێبکرێ. خاوەن گۆزەکەش دەستەودامان دادەمێنێ، بەو جۆرە لەهەردوولا دەبێت، هەم لە دۆستایەتی دراوسێکەی و هەم لە گۆزەکە.
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,592 car hatiye dîtin
Raya xwe li ser vî babetî binivîsin!