کورد دلۍ چەرخەکا تاریخینە
بەشۍ: دوەسەڎ و پەنجا و یەرەمە
نویستەی: #هاوڕێ باخەوان#
ساڵەو (1914ز.):
چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە، مەقسوود بەگ، دماتەر عەلی ڕەزا بەگ بی بە فەرمانڕەواو سلێمانی.
* ئیبراهیم ئەحمەد، ئەچی ساڵېنە دلۍ شارو سلێمانی ئامان دنیا.
* عوسمانییەکۍ ئەچی ساڵېنە، ژمارەو کوردەکا تورکیایشا بە (2527840) کەسۍ سەرئەژمار کەردېنۍ.
* قیمەتو یەک نانی جە سلێمانی تاکو سەرەتاو جەنگی جەهانی، دۋۍ پوولۍ بییەن، دماتەر بییەن بە یەک ئانە، یانی (چوار فلسۍ).
* ئەچی ساڵېنە، داگیرکەری ئێرانی گوڤارەو کوردەسانیش وستەرە.
* ئەچی ساڵېنە، نامۍ (سمکۆ)ی بە تەرزێ فراوان دلۍ دەزگا دیبلوماسییەکا (ڕووس، بەریتانیا، تورکیا، ئێران) ئامێنە و باڵیۆزخانەکېشان دلۍ شالیارگاکا بەریشانە فایلێ دیاریکریای گۆرەشان پەی کەردەبێ.
* ئەچی ساڵېنە، سمکۆ، عەبدولڕەزاق بەدرخان، سەی تەها شەمزینی، قۆلنامێشان چەنی ڕووسەکا بەست، تاکو یاردیشان بڎان پەی شۆڕشی، بەڵام بە هۆکارو شۆڕشو ئۆکتۆبەری هیچشان پەی نەکریا.
* ئەچی ساڵېنە، کاکە زیاد جە شارو کۆیەی ئامان دنیا.
* ژمارێ فرۍ جە کوردەکا بەشداری جەنگیشا کەرد دلۍ سوپاو عوسمانینە بەنامۍ جیهادیۆ دژ بە ڕووسەکان، ژمارێ فرېشا کوشیێ.
* ناوچەکانو (وان)ی، جە سەرنیشتو کوردەسانی ئەچی ساڵېنە هېزەکانو ڕووسی داگیرۍ کەردېنۍ.
* ئەچی ساڵېنە، سەردارۍ ڕاپەڕینەکەو بەدلیسی، مەلا سەلیم ئەفەڼیی و هامکارەکېش پېوەڼییشان بە کاربەدەسا ڕووسیۆ کەرد.
* سەرەتاو ئی ساڵۍ، سیخوڕەکۍ ئەڵمانیای مجیێرە دلۍ شارو ورمێ و ناوچەکا تەرو وەرکۆتو کوردەسانی.[1]