کورد دلۍ چەرخەکا تاریخینە
بەشۍ: نۊهەمە
نویستەی: #هاوڕێ باخەوان#
ساڵەکانو (2900__ 2600) وەڵۍ زایینی

شۊنەوارئەشناسەکۍ چن دیاردێشا دلۍ سەرزەمینو کوردەسانینە ئېستېنێ کە جە چن سەردەمێ جیاوازەنە ڕوەشا دێنە، پی تەرزە:
ساڵەو (2900) وەڵۍ زایینی لوگال زاکیس پاشاو گوتییەکا بېیەن، دلۍ وەڵاتو سۆمەریەکانە فەرمانداریش کەردەن.
ساڵەو (2800) وەڵۍ زایینی پاشاو لۆلۆکا کە نامېش (ئانۆ بانینی) بېیەن دلۍ کوردەسانینە فەرمانداریش کەردەن.
ساڵەو (2711) وەڵۍ زایینی پاشێوە ئاشووری بە نامۍ (شار کالی شاری) فەرمانداریش کەردەن، سەردەمو ئاڎیینە پاشاو گۆتیەکا بە نامۍ (شرلک) دیل بېیەن.
تۊمارێ ئاشووری کە نامۍ (لۆلۆیش) دلېنە نویسیێنە، مەگېڵۊوە پەی ساڵەو (2700) وەڵۍ زایینی.
دلۍ بەڵگەنامێنە ئامان کە ساڵەو (2649) وەڵۍ زایینی گۆتییەکۍ دەسشان سەرو وەڵاتو سۆمەر و ئاکاددا گېرتەن.
گۆتییەکۍ دمای ئانەی دەسشان یاوا دەسەڵاتی، ساڵەو (2600) وەڵۍ زایینی سنوورو دەسەڵاتەکەیشان فراوان کەرد، جە سەرنیشتۆ یاوا ئەدەنە، جە پانیشتۆ یاوا ئیلام.[1]