ناڤ: عەزیز
ناسناڤ: عەزیز شارۆخ
ناڤێ باب: عەبدوڵلا
ناڤێ دایک: ئامینە
ساڵا ژدایکبوونێ: 1938
جهێ ژدایک بوونێ: #مهاباد#
$ژیاننامە$
عەزیز شاروخ ل ساڵا 1938 ل گەڕەکا قەبران ل شەقامێ وەفایی یا باژێڕێ #مەھاباد# ژدایک بوویە. ناڤێ بابێ وی عەبدوڵلایە و لدیف چاڤکانیان باپیرێ وی ل دێرزەمانڤە ل باشوورێ کوردستانێ بەرەڤ ڕوژهەڵاتی کوردستانێ کوچ کرییە و ل دەڤەرێن مەنگوڕایەتی نیشتەجێ بوونە ناڤێ دایکا وی ئامینەیە و خەلکێ دەڤەرا نەهری یا باکوورێ کوردستانێ یە، خوەندنا خوە ل ساڵا 1961 تمام کرییە و بوویە ماموستا، ل ساڵا 1963 ژ ئالێ دەزگەهێن ئەمنی یێن ئێرانێ بناڤێ (ساڤاک) ب تۆمەتا کارێ سیاسی دێهێتە دەستەسەر کرن و بو ماوێ سێ ساڵان دکەڤیتە زیندانی دە. ل ساڵا 1966 دگەڵ کەچەکێ بناڤێ کوبڕا ژیانا هەڤژینی یێ پێک دهینیت کو بەرهەمێ ڤێ ژیانێ 5 زاروکێن کچ دبن. د ماوێ وان 3 ساڵان کو ل زیندانێ دبیت باب و برایێ وی وەغەرا داویێ دکەن و قورسیا ژیانێ بو سەرشانێ وی پتر دبیت. پشتی دوو ساڵان د ژیانا هەڤژینی یێ کەچا ئێکەما وی ژی بناڤێ گوڵاڵە وەغەرا داویێ دکەت.
هونەرمەند شاروخ ب گوهگرتن ل دەنگێ هونەرمەندان #سەید عەلی ئەسغەری کوردستانی# و #کاوێس ئاغا# مەیلا وی ژبو ستران گووتنێ چوویە و ئاواز و ستران گووتنێ ل هونەرمەندێن وەکە #محەمەد ساڵح دیلان# و #تاهیر تۆفیق# و #حەسەن جەزراوی# فێر بوویە. ل ساڵا 1969 چالاکیێن ھونەریێن خوە دەست پێ کرینە و بەرھەمێن ڤی ھونەرمەندەی ل 40 ئاڵبۆمان پێک ھاتینە. ل ساڵا 1975 ل ڤیستەڤاڵا ئاواز و سترانا فولکلوریا کوردی ل #کرماشان# پشکداری کرییە و ب دەنگێ خوەشێ خوە ئامادەبوویێن ڤێ ڤستەڤاڵێ سەرسام کرینە. عەزیز شاروخ ل بلی سترانێن فلکلۆری یێن کوردەواری شەعرێن زوربەیا سترانێن خوە ئەو بخوە دنڤیسیتن. بەرھەمێن هەلبەستێن عەزیز شاروخ هەیا نها چاپ و بەڵاب نەبوونە، ھەروەسا ل ساڵا 2000دا ئەدەبیاتا زاراوەیا کوردی کۆم کرن کو ب پشتەڤانییا #نێچیرڤان بارزانی# ل دەزگەهێ ئاراس هاتە چاپ و بەڵاڤ کرن. عەزیز شاروخ ب دانانا کۆنسێرت ل وڵاتێن ئەوروپی موزیکا ڕەسەنا فلکلۆری یا کوردی ل جیهانێ بەڵاڤ کر[1].
Ev babet bi zimana (کرمانجی - Upper Kurdish (Arami)) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 736 car hatiye dîtin
Raya xwe li ser vî babetî binivîsin!