Rênas Sîdo çalakvan û ciwanekî Kurd ê xelkê Efrînê yê #Rojavayê Kurdistanê# yê ku ev heft sal in weke koçber li Almanyayê dijî, pirtûkek li ser jiyana zarokatiya xwe nivîsandiye û tê de behsa darên zeytûnên Efrînê dike. Pirtûka wî ya bi navê “Wo Sind Meine Olivenbaume? - Darên min ên zeytûnê li ku ne?” bi zimanê Almanî çap kiriye.
Rênas Sîdo beşdarî bernameya Diyaspora ya Rûdawê bû behsa naveroka pirtûka xwe kir û got, “Pirtûk behsa bextreşiya jiyana min li Rojavayê Kurdistanê dike û piştre ji ber şerê koça me ya Tirkiyê, ji wir jî ber bi Lîbyayê û heta ku em gihîştin Almanyayê dike.”
Rênas Sîdo di beşeke axavtina xwe de got ku ew çiqasî behsa zeytûnên Efrînê bike jî têrê nake û anî ziman, “Min di pirtûka xwe de bi berfirehî behsa wan kiriye û min hewl daye ku hemû mafên wan bidim lê darên zeytûnên bajarê min ji pirtûkek yan çend pirtûkan gelekî mezintir in.”
Rênas Sîdo diyar kir ku xwendevan dikarin pirtûka wî bi rêya Amazonê an jî ji Pirtûkxaneyên Almanyayê bikirin û got, “Dahata pirtûkê dê ji bo zarokên Rojavayê Kurdistanê were xerckirin.”[1]
This item has been written in (Kurmancî - Upper Kurdish (Latin)) language, click on icon
![](https://www.kurdipedia.org/images/flags/ku.png)
to open the item in the original language!
Ev babet bi zimana (Kurmancî - Upper Kurdish (Latin)) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
This item has been viewed 1,919 times
Write your comment about this item!