#لاهور شێخ جەنگی# هاوسەرۆکی پێشووی #یەکێتیی نیشتمانیی کوردستان#، بە نیازی دروستکردنی جووڵانەوەیەکی سیاسی نوێیە و بۆ ئەوەش ڕاوێژ لەگەڵ هێزەکانی هاوپەیمانان دەکات.
لە دوایین سەردانی لاهور شێخ جەنگی بۆ بەریتانیا و کۆبوونەوەی لەگەڵ بەرپرسانی ئەو وڵاتە، خواستی ئەوەی نیشانداوە کە بەنیازە جووڵانەوەیەکی سیاسی نوێ دروستبکات.
لاهور شێخ جەنگی لە گفتوگۆکانی جەختی کردووەتەوە کە جووڵانەوەیەک بۆ دۆخی ئێستای هەرێمی کوردستان و ئێراقیش گرنگە، بۆیە ئەو بەنیازی هەنگاوێکی لەو شێوەیەیە.
لاهور شێخ جەنگی، چ لە بەریتانیا و چ لە میانی کۆبوونەوەکانی لەگەڵ بەرپرسانی هاوپەیمانان، وردەکاری ئەوەی خستووەتەڕوو کە دەیەوێت بەشدار بێت لە پڕۆسەی سیاسی هەرێم. ئەویش لە ڕێگەی دامەزراندنی جووڵانەوەیەکی نوێ. [1]