کومەڵگەها گرزەرک دکەڤیتە باشوورێ ڕوژئاڤایێ باژێڕۆکێ #شنگال#، و ئاکنجیێن ڤێ کومەڵگەهێ پێک دهێن ژ موسلمان و ئێزدیان. هەرهۆسا چەندین جهێن پیرۆزێ ئاینێ ئێزدیان دکەڤنە کومەڵگەها گرزەرک و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خۆ داخواز دکەن، خەلکێ کومەڵگەها گرزەرک لدیف ئامارێن بەری هاتنا داعش بۆ شنگال ل ساڵا 2010 نێزیکی ( 13،000) سێزدە هەزار کەسان بوون، هەرهۆسا لدەمێ هاتنا داعش بۆ شنگال ب سەدەهان کەس ژ کومەڵگەها گرزەرک هاتن کوشتن و بێسەر و شوین کرن و ئەنفالکرن لسەر دەستێ دەولەتا ئیسلامی یا ب ناڤێ داعش، هەروەسا گەلەک خێزان ئاوەری باژێڕێن #دهۆک# و #زاخۆ# و #سلێمانی# بوینە و هەروەسا کۆچکرینە بۆ وەڵاتێن ئۆرەپی. (343) سێ سەد و چل و سێ کەس ژ کومەڵگەها گرزەرک بووینە قوربانی دەستێ دەولەتا ئیسلامی یا ب ناڤێ داعش، کۆمەڵا وان کەسێن بوینە قوربانیێ داعشێ 188 زەڵام بوون و 155 ژن بوون، 68 زەڵام و 30 ژن هاتن ئەنفالکرن، 59 زەڵام و 33 ژن هاتن بێسەر و شوێن کرن، 61 زەڵام و 92 ژن هاتن ڕزگار کرن ژ دەستێ دەولەتا ئیسلامی، گەلەک ژ وان کەسێن ڕزگار بووی نهۆ ل وەڵاتێن ئەوروپی و کوردستانێ ئاکنجینە، لێ د نهۆ دا کومەڵگەها گرزەرک گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ، دەستپێکا ساڵاێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]