کورد دلۍ چەرخەکا تاریخینە
بەشۍ: دوەسەڎ و ویس و نۊهەمە
نویستەی: #هاوڕێ باخەوان#
ساڵەو (1906ز): چن تۊمارێ پېوەس پی ساڵېوە ئینێ وەردەسەنە:
* ئەندرسن، یاردیدەرو کونسوڵو ئەڵمانیای جە موسڵ گەشتێش جە (موسڵ)ۆ پەی (وان)ی کەردە.
* زیا پاشا، پەی ماوەو ساڵێ بییەن بە فەرمانڕەواو سلێمانی.
* سەرەتاو ئی ساڵېنە، ڕاپەڕینێ بەهېز جە ناوچەکانو ئەرزەڕوم و بەدلیسی ڕوەشدێنە، دژو تورکەکا.
* پەی ماوەو ساڵێ، ئیبراهیم پاشا فەرمانڕەوایی ناوچەکانو دیاربەکر، حەلەب، ئورفە، ماردین، دیرکایش کەردەن.
* ئەچی ساڵېنە، دلۍ شارو موسڵی شېخ سەعیدی بەرزنجی کوڕو حاجی کاک ئەحمەدی شېخی کوشیان.
* ئەچی ساڵېنە، هېزەکانو سوارەی حەمیدی هېرششان کەردەن سەرو ناوچەکانو ورمێ و چن یاگێشان داگیرۍ کەردېنۍ.
* ئەچی ساڵېنە، موحەمەد ئاغاو شکاکی لوان پەی ئەستەمبوڵی، چوونکوم چەنی ئێرانی تېکشییەبۍ.
* سەرەتاو ئی ساڵېنە، ڕەدفان پاشا دلۍ ئەستەمبوڵینە بە دەسو بنەیانەو بەدرخانییەکا کوشیان، نامبریا فەرماندارو ئاساییشو عوسمانی بییەن، کورد کوشێ بەنامبانگ بییەن و خەڵکی فرە قینیشا چەنە ئامان، بە هۊکارو ئانەیچە تورکەکۍ (25) کوردۍ ئەشناسیێشا جە ئەستەمبوڵ دوورۍ ۋستێ و عەبدولڕەزاق بەدرخان و عەلی شامیل پاشایچ زیڼانیۍ کریێ.
* میرزا سەعید خان، ئەچی ساڵېنە کۊڵەپەشتەکەو شېخ عەبدولموئمینی بە موزەخانەو بەریتانیای مەورەشۊن، دلۍ ئا کۊڵەپەشتێنە شېعرۍ چڼان شاعېرا کوردی تۊمارۍ کریێبېنۍ.
* ئەچی ساڵېنە، عوسمانییەکۍ هېرششان کەردەن سەرو ناوچەکانو ئازربایجانو ئێرانی و چن ناوچێ کوردنشینېشان داگیرۍ کەردۍ.
* ڕەزوان پاشا، ئەچی ساڵېنە کوشیان، کە عەبدولڕەزاق بەدرخان یۊبۍ چانېشا هەکە بە کوشتەیش تۊمەتبارکریا.
* ئەچی ساڵېنە، سەعید موحەمەد سەعیدی گولیجی کۊچی دمایینش کەردەن.
* مانگەو (4)ئی ساڵېنە، جەنگێ میانو حەمیدییەکا خېڵو جوبران و زیرکانی قۊمیان، دلۍ ئا جەنگەینە (18) کەسۍ جە هەردوېلایا کوشیێنۍ و (60) کەسېچ زامڎارۍ کریێنۍ.[1]