دەقی پەیامەکەی #بافڵ تاڵەبانی#:
بەڕێزان سکرتێر، مەکتەبی سکرتاریەت
و ئەندامانی یەکێتیی ژنانی کوردستان
بەبۆنەی ساڵیادی دامەزراندنی یەکێتییەکەتانەوە، پیرۆزباییەکی گەرمتان لێدەکەم و هیوای بەردەوامی و سەرکەوتنتان بۆ دەخوازم.
یەکێتیی ژنانی کوردستان لە ماوەی 33 ساڵی کارکردنیدا، ڕۆڵێکی گرنگ و بەرچاوی گێڕاوە لە داکۆکیکردن لە مافەکانی ژنان و گەشەپێدانی تواناکانیان. وێستگەیەکی گرنگی پێگەیاندنی دەیان ژنی سەرکردە و کادری بەتوانا بووە کە بەشداری گرنگیان هەبووە لە پرۆسەی سیاسی و بەڕێوەبردنی وڵاتدا. ئەمەش دەرخەری ئەو ڕاستییەیە کە #یەکێتیی نیشتمانیی کوردستان# باوەڕێکی پتەو و نەگۆڕی بە مافەکانی ژنان و تواناکانیان هەیە و بەردەوام داکۆکیکارێکی سەرسەختی ئازادی و یەکسانی بووە.
هیوادارم لە ساڵی نوێی کارکردنتاندا بەهەمان ڕۆحییەتەوە لە هەوڵەکانتان لەپێناو بەدیهێنانی داوا ڕەواکانی ژنان و دەستەبەرکردنی مافەکانیان لە کارکردن بەردەوامبن و ئێمەش پاڵپشت و پشتیوانتان دەبین.
بافڵ #جەلال تاڵەبانی#
سەرۆکی یەکێتیی نیشتمانیی کوردستان
4ی تشرینی دووەمی 2022[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!