کورد دلۍ چەرخەکا تاریخینە
بەشۍ: یەکەمە
نویستەی: #هاوڕێ باخەوان#
میللەتو کوردی هەرچن تاریخێ کۊنش هەن سەرو ئی زەمینەیۆ، چەنی ئانەیچە ئی سەرزەمینو کوردەواریە وەڵۍ کوردینە چڼین میللەتۍ تەرېش سەرۆ ژیوێنۍ، کە ڕەنگە بڕێشان وەڵینۍ میللەتو کوردی بان، یانی کورد زادەو ئا میللەتە وەڵینا بۊن.
دلۍ مەڕ و کەش و دەشتاییەکانە چڼین شۊنەوارۍ کۊنۍ ئیزیێنێ کە تەمەنشان مەگېڵۊوە پەی چەرخە کۊنەکا وەڵۍ زایینی، ئانەی نیشانە مڎان سەرو ئی زەمینو کوردەواریۆ ئا میللەتۍ ژیوێنۍ و شارەسانیێ دیاریکریاشان بېیەن، ئەچېگەنە بەپاو تاریخو شۊنەوارەکا کە ئیزیێنێ تۊمارېشان مەکەرمېن.
ئېستەیۆ چڼین پارچە کەرەسە تەۋەنینا کە بەکارئامێنۍ پەی ڕاوەشکاری، چەنی بڕێ پېشە تەۋەنینا ئاژەڵا پېسە فیل و گاۋە و مەی و بزا، نزیک بە دوۍ کیلومەترا ناوچەی تەۋەنینو سەرنیشتو وەرکۆتو چەمچەماڵی، کە جە لاو کیاستێوە ئەمریکایی زانکۊ شیکاگۆی ئېزیێنێ، تەمەنشان مەگېڵۊوە پەی ساڵەکا ( 600000 - 100000) وەڵۍ زایینی.[1]