کورد دلۍ چەرخەکا تاریخینە
بەشۍ: چل و حۆتەمە
نویستەی: #هاوڕێ باخەوان#
ساڵەو (37 و.ز): ئەچی ساڵېنە حکومەتو مادی گولانەی دلېنە شېیەن بە دەسو ئەشکانییەکا و بە سەرداری فەرهادی چوارەمی.
ساڵەو (36 و.ز): ئەچی ساڵېنە کوردەسان کۆتەن چېرو دەسەڵاتو (ئەنتوان)ی سەردارو ڕۊمەکاوە.
ساڵەو (34 و.ز): ئەچی ساڵېنە فەرهادی چوارەم پەلامارەو مادی گولانەیش دێنە.
ساڵەو (33 و.ز): فەرهادی چوارەم پاشاو ئەشکانییەکا هېرشش کەردەن سەرو مادی گولانەی، ناوچەکاش داگیر کەردەن، بەلام نەتاواش بە تەمامی کوردی بارۊنە چېرو دەسا وېش، بەڵکوم کوردەکۍ بە هوکارو ئانەی چن میرنشینێ و دۆڵەتۍ گولانۍ بېنۍ تاواشان سەربەوېیی وېشان پارېزنان، هەر بە نامۍ چېرو دەسەڵاتو ئەشکانییەکانە بېنۍ.
ساڵەو (22 و.ز): پېسە وەڵتەر باسمان کەرد دلۍ بەڵگەنامێوەنە کە تاریخش مەگېڵېوە پەی (88 و.ز)، یەرۍ قەباڵۍ جە ناوچەو هۆرامانینە ئېزیێنێ کە باس جە ۋرەتە و ئەسای مېوەدەیمۍ مەکەران، دوۍ چا قەباڵا تاریخو نویستەیشان مەگېڵۊوە پەی (88 و.ز)، یەرەمەشان پەی (22 و.ز).
ساڵەو (20 و.ز): دلۍ بەڵگە تاریخییەکانە پاسە ئامان کە ئەچی ساڵ و ماوەنە ئاشوورییەکۍ چن دۆڵەتچێ گولانۍ بیېنۍ سەر بە کوردەکا.
ساڵەو (12 و.ز) : ئەچی ساڵېنە یەکەمین دیکۊمێنتو هۆرامانی نویسیان.
ئەسعەد ڕەشید.[1]