کورد دلۍ چەرخەکا تاریخینە
بەشۍ: ویس و یەکەمە
نویستەی: #هاوڕێ باخەوان#
ساڵەکانو (1345-- 1281) وەڵۍ زایینی
ساڵەو (1345) تاکو ساڵەو (1324) وەڵۍ زایینی سەردەمو فەرمانڕەوایی (کوری کازۆی دوەمو کاشی) بېیەن، کە شارو عەقەرقوفی و زەکورە بەنامبانگەکەیش چەنە درووسکەرد.
ساڵەو (1340) وەڵۍ زایینینە (یوتارڼای) یەرەمین پاشاو میتانییەکا بېیەن.
دیسان ئەچی سەدەنە جە پانیشتو میزوپۆتامیاینە (نازی ماروتاشی کاشی) فەرمانڕەواییش کەردەن.
ساڵەو (1330) وەڵۍ زایینی سەردەمو فەرمانڕەوایی (کاداشمەن تورگوی کاشی) بېیەن دلۍ پانیشتو میزۆپۆتامیاینە.
تەختە گڵینێ ئېزیانۆ کە تاریخەکەش مەگېڵۊوە پەی ساڵەکانو مېیانو (1310--1281) وەڵۍ زایینی کە سەردەمو پاشایی (ئەداد_ نیراری) بېیەن، سەرو تەختە گڵینەکەیۆ نویسیان: گردو سووپاکا (کاسای، گۆتی، لۆلۆ، سوباری) شا ماڕێنۍ.[1]