کورد دلۍ چەرخەکا تاریخینە
بەشۍ: سەڎ و ۋیس و هەشتەمە
نویستەی: #هاوڕێ باخەوان#
ساڵەو (1803ز): ئەچی ساڵېچەنە چن تۊمارێ پاسە نیشانەما مڎان کە:
* خالید پاڎشا بېیەن بە میرو بابانی و ئۆڕەحمان پاڎشایچ ڕەمان پەی ئێرانی.
* ئامێدی بە دەسو قوباد بەگی گېریان.
* کوردی شاعېر ئەچی ساڵېنە ئامان دنیا.
* ئەچی ساڵېنە تاکو ساڵەو 1806ز بنیاڎنیای مزگی دارولئیحسانی بە فەرمانو ئەمانوڵڵاخانی دلۍ شارو سنەینە.
* ئەچی ساڵېنە تەیموور پاڎشا بېیەن بە والی (سیواس)ی.
ساڵەو (1804ز): چن تۊمارێ کە تاریخشان مەگېڵۊوە پەی ئی ساڵۍ پەی ئېمە مەنېنێ:
* مەڵڵا ئەحمەڎی شێخولئیسلامی سنەیی شاعېر، ئەچی ساڵېنە ئامان دنیا.
* ئۆڕەحمان پاڎشا، ناوچەو زرېبارینە سەرو سەربازە کورد و تورکەکارە سەرکۆت و سڵێمان کەهیای بەغڎاڎییش بە دیل گېرت.
* هېرشو بابانی پەی سەرو میرنشینو بادینانی و دماجار ئاشتیشان مۊرە کەرد.
* ئەچی ساڵېنە ئۆغوز بەگ میرو سۆرانی کۊچی دمایینش کەردەن و مسەفا بەگی کوڕش یاگېشەنە بېیەن بە میر، کە خەڵکو ڕەواندوزی هۊرچنېیەن، بەڵام ئا پرۆسە بە دڵو براکاش نەبېیەن.
* مزوورییەکۍ لوێنۍ سەرو قوباد بەگی و زیڼانیشان کەردەن.[1]