Nûstık: Elifba Zazaki
Nustekar: U. Pulur
Çapa Yewine: Gulane 2008
Çapxane: Tiji
Herune : Estamol

Qesê/Qeşiya veri
,,Her vas kokê xo ser royino, her theyr jianê xode waneno.
Heya, mileto ke jianê xo kerdo vindi, serê düna ra dariyo we, biyo vindi. Çi ke jian kamiya miletio. Bêjian milet beno lal. Nêşikino derd u meramê xo biaro werte. Dare ebe kokanê xo filiz dana, bena girs u xo ser findena. Çike, ebe kokanê xo binê herdi ra qewete cêna. Milet ki hêniyo. Milet jianê xora qewete cêno. Jian nan u sola miletiyo. Jian ro dano mileti. Jianê xo çiqa ke hira vila bo, hente ke o milet yeno naskerdene. Weşiya xo hente ke bena hewl.

Nia ke bi, huyaisê xo beno berc, seda xo bena zalal. Nur u cemalê xo beno şên. O waxt herd ra haştiye u zereweşiye bena tera... Hete bin ra jiani, rengê dinaê, Rindekiye daně dorme xo. Na ri ra bo ke, gereko jianê xo qeşi kerime. Domani jianě ma u piyê xo bimuse ke, rindekiya dina biramê rê; serê dina de haştiye raver berê u cire wayir bivecivě.[1]