کورد دلۍ چەرخەکا تاریخینە
بەشۍ: سەڎ و حەفتا و هەشتەمە
نویستەی: #هاوڕێ باخەوان#
ساڵەو (1859ز): چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە (ئەدیب)ی شاعېر دلۍ دەگاو ئەرمەنی بڵاغی ناوچەو مەهابادی ئامان دنیا، نامېش عەبدوڵڵا ئەحمەد بەگ ڕۊسەم بەگ سەیفەدینەن. هەر ئەچی ساڵېنە عادیلە خانمەو جافی ئامێنە دنیا.
ساڵەو (1860ز): چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە کتېبو شەرەفنامەو شەرەفخانی بەدلیسی بە فارسی وەڵابېیەنۆ، بە دەسو (ڤ. ڤ. ڤیلیامینۆ- زێڕنۆڤ) جە ڕووسیا.
* ئەمین فەیزی شاعېر، ئەچی ساڵېنە دلۍ شارو سلێمانی ئامان دنیا.
* ئەچی ساڵېنە، مەلا ئەحمەدی قەسرەت دلۍ شارو سلێمانی ئامان دنیا.
* ڕەزا قولی خان، والی سنەی ئەچی ساڵېنە کۊچی دمایینش کەردەن.
* ئەچی ساڵېنە، خېڵو ملانی کوردی، سەرانە بە خېڵو شەممەری عەرەبی دېنۍ.
* ا. ژابا، کۊمەڵێ دەسنویسۍ بە قیمەتۍ کوردیېش چېرو نامۍ جامعیی ڕساڵیان و حکایتان بە زوانی کرمانجی، جە پیترسبورگ وەڵێکەردێ.
* ئەچی ساڵېنە، شېخ ڕەزای تاڵەبانی گەشتێش پەی ئەستەمبوڵی کەردەن.
* ئەلیکساندەر ژابا، کتېبێش بە نامۍ کۊمەڵە سەرنج و هەواڵێ دەربارەو کوردی، وەڵاکەردېنێ.[1]