بەبۆنەی بەدەستهێنانی خەڵاتی نۆبڵی ئاشتییەوە، پڕ بە دڵ پیرۆزبایی لە خاتوو #نادیە موراد# دەکەین. هەر وەک چۆن هەمیشە کار و چالاکییەکانی، مایەی شانازی و خۆشحاڵیی ئێمە بوون، پێدانی خەڵاتی نۆبڵی ئاشتیش بە خاتوو نادیا مایەی شانازی و خۆشحاڵیی ئێمە و هەموو خەڵکی کوردستانە.
هیوادارین ئەم خەڵاتە هەندێ دڵنەواییی خاتوو نادیا بداتەوە له و هەموو ئازار و مەینەتیانەی بەسەر خۆی و خانەوادەکەیدا هاتووە، هەروەها دڵنەواییی خوشک و برایانی ئێزدی بداتەوە له و کارەساتەی بەسەریاندا هات، چونکە ئەم خەڵاتە تەنیا بۆ تاقە کەسێک نییە، بەڵکوو بۆ خۆڕاگری و قوربانییەکانی ئێزدییان و تەواوی گەلی کوردستانە.
خاتوو نادیا موراد کە سیمبولی قوربانییەکانی ئێزدییان و ڕووبەڕووبوونەوەی تیرۆر و هەڵگری پەیامی ئاشتی و مرۆڤایەتییە لە جیهاندا، هەمیشە لە کار و چالاکییە مرۆییەکانیدا پشتگیریی تەواوی ئێمەی هەبووە و دەبێت. هیوای سەرکەوتنی بۆ دەخوازین و دووبارە پیرۆزبایی لێدەکەین.
#نێچیرڤان بارزانی#
سەرۆک وەەزیرانی هەرێمی کوردستان
#05-10-2018#
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,731 car hatiye dîtin
Raya xwe li ser vî babetî binivîsin!