ناو: یەعقوب
ناوی باوک: وەلی عەزیز
نازناو: شەعبان
شەعبان- ئەکتەر
نوسینی: #خالید عومەر عوسمان#
ناوی تەواوی (یەعقوب وەلی عەزیز) ە، ساڵی 1975 لە شاری #هەولێر# گەڕەکی کورانی جادەی #مەخموور# لەدایک بووە، خوێندنی سەرەتایی لە قوتابخانەی جمهوری لە گەرەکی کوران تەواو کردووە و تا پۆلی یەکی ناوەندی لە قوتابخانەی یەرموک لە هەمان گەرەک خوێندووە، لە 1998/10/30 ژیانی هاوسەری پێکهێناوە و کوڕێک و کچێکی هەیە بەناوەکانی (محەمەد و مەڕوە)، ساڵی 1992 دەستی بەکاری هونەری کردووە لە کەناڵی یەکگرتن لە بەرنامەی گەشتی کامیرا، زیاتر لە 100 فلم و هەروەها چەندین دراماو شانۆگەری و بەرنامەی تەرفیهی و بەرنامەکانی پرسیارو وەڵام و دۆبلاژکردنی فلم و فلمی کارتۆنی بەشداری کردووە، بەتایبەتی لە ساڵەکانی 1999 تا دەگاتە 2005 بە بەردەوامی و پاشان بە پچڕ پچڕ تاکو ئێستا بەردەوامە، لەگەڵ چەندین تیپی نواندن بەشداری کردووە وەک (تەبایی- دڵگەش- دڵپاک) و هیتریش، ئێستاش بەرنامەی شک و ناشک پێشکەش دەکات بەڕاستەوخۆیی لەکەناڵی شایستە،
ئەم ژیاننامەم لەخۆی وەرگرتووە لە 2021/9/4[1]