Mamosteyê ziman û wêjeya Kurdî ya Zanîngeha Kobanê Aras Hiso diyar kir ku ziman û wêjeya Kurdî bi saya projeya Neteweya Demokratîk bêhtir pêş ketiye.
Dagirkerên li Kurdistanê bi her awayî xwestin nasname, çand û wêjeya Kurdî tune bikin, lê bi şoreşa 19’ê Tirmehê re wêjeya Kurdî roj bi roj pêş ket. Têkildarî pêşketina wêjeya Kurdî Mamostayê ziman û wêjeya Kurdî ya Zanîngeha Kobanê Aras Hiso ji ANF’ê re axivî.
Aras Hiso diyar kir ku zimanê Kurdî li her derê bi qirkirinê re rû bi rû ma û wiha got: “Piştî hatina îslamê re her tişt dibin qirkirinê re derbas dibû. Bi hezaran pirtûkên Kurdî hatin şewitandin. Zimanê Kurdî li her derê bi qirkirin û dagirkeriyê re rû bi rû ma. Ev yek bû sedema ku zimanê Kurdî jî di bin dagirkeriyê de bimîne û pêş nekeve.”
Hiso bi bîrxist ku wêjeya klasîk ya Kurdî bi pêşentiya Feqiyê Teyran, Ehmedê Xanê û Melayê Cizîrî hêdî hêdî pêş ket û wiha domand: “Li gel dagirkeriya li Kurdistanê jî wêjeya Kurdî bi têkoşîna Feqiyê Teyran, Ehmedê Xanê û Melayê Cizîrî roj bi roj pêş ket. Heta îro jî parastin û xwedî lê derketina zimanê Kurdî hîna jî li pêş e. “
Aras Hiso bi lêv kir ku berxwedan û têkoşîna ji bo nûjenkirina wêje û zimanê Kurdî her tim li pêş bûye, lê piştî Şoreşa 19’ê Tirmehê re ziman û wêjeya Kurdî roj bi roj weke şitlekê mezin bû. Vaye zarokên Kurd li zanîngehên me bi zimanê Kurdî perwerde dibînin. Ev yek dibe sedema ku zimanê Kurdî dewlementir bibe. “
Aras Hiso bal kişand vê yekê ku ziman û wêjeya Kurdî bi saya projeya Netewaya Demokratîk bêhtir pêş ketiye û wiha dawî li axaftinên xwe anî: “Bi saya van destkeftiyan bi hezaran pirtûk û kovar hatin çapkirin. Gelek kenal û ajansên Kurdî pêş ketin. Hêviya me jî ew e ku wêjeya Kurdî bigihe astên bilindtir.”[1]
Dieser Artikel wurde in (Kurmancî - Upper Kurdish (Latin)) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
Ev babet bi zimana (Kurmancî - Upper Kurdish (Latin)) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
Dieser Artikel wurde bereits 1,649 mal angesehen
Schreiben Sie Ihren Kommentar zu diesem Artikel!