نامۍ: مەڵڵا مەحمووڎ
نازنام: دشەیی
نامۊ تاتەی: مەڵڵا عەبدوڵڵا
شاڵۊ پېڎابییەی: 1898ز.
ساڵۊ مەرڎەی: 1960ز.
یاگۊ پېڎابییەی: #سنە#
یاگۊ مەرڎەی: #سنە#
$ژیۋاینامە$
مامۊسا مەڵڵا مەحمووڎی موفتی دشەیی، نامۍ تەمامەش؛ مەڵڵا مەحمووڎ کوڕو مەڵڵا عەبدوللەی کوڕو مەڵڵا مەحمووڎی دشەیین، ساڵەو (1898ز.) جە شارو (سنە)ی ئامان دنیا.
هەر جە تەمەنو زاروڵەییشۆ خزمەتو تاتەیشەنە (مەڵڵا عەبدوڵڵای دشەی) دەسش بە وانای زانستە ئایینی و دنیاییەکا کەرڎەن، تاکو تەمامو زانستەکاش مەوانان، دماجار تاتەش جە ساڵەو (1922ز.) وەفاتش کەردەن.
مامۊسا مەڵڵا مەحمووڎ، مەڵڵێوە نامڎار و شارەزاو شارو (سنە)ی بېیەن، کە گرڎو زانستەکانە شارەزایی خاسش بېیەن و بە تاییبە جە (فیقه و ئوصول و فەلسەفە) شارەزایێ عالش بېیەن. دمای وەفاتو تاتەیش، بېیەن بە موفتی و داڎوەری شەرعی کوردەسانی، دلۍ مەدرەسەکەو تاتەیشەنە بە نامۍ (دارلئېحسان)جە شارو سنەی دەرسش واتەنۆ، چڼەها فەقیۍ و تەلەبۍ بەهرەمەڼۍ و زیرەکۍ جە زانستەکەیش بەهرەشان وەرگېرتەن و بیېنۍ بە مودەڕڕېسۍ و مەڵڵێ بە قابیلیەتۍ.
مامۊسا، تاتەو یەرۍ کوڕا بېیەن، یۊشان کاک ئەحمەدی موفتی زادەن. ئی زاتە جە دما ساتەکانو ژیوایشەنە سەرو داواو زانستگاو (تاران)ی، پەی دەرس واتەیۆ بانگ کریان، جە دماییڼو ساڵەو داڎوەری لوان پەی ئا شارەیە، بەڵام ساڵێ زېیاتەرش نەخواینان و تەمەنو (62) ساڵینە، ساڵەو (1960ز.) دڵە گۆرەکەش مدران و وەفاتش فەرماوان.
خاوەنو چڼ تۊمارێن کە تاکو ئسە چاپۍ نەکریێنۍ.
1. کاروانو ژیوایم (187 لاپەڕۍ)
2. علمائنا (364لاپەڕۍ)
ئەسعەد ڕەشید.[1]