پڕۆژەی پیشەسازیی ئۆتۆمبێل لە #دهۆک#، یەکێکی دیکەیە لە پڕۆژە گرنگەکانی کابینەی نۆیەمی #حکومەتی هەرێمی کوردستان# و دەبێتە پڕۆژەیەکی هاوچەرخ و پێشکەوتووی دەڤەرەکە و دەکەوێتە دەروازەی خۆراوای شاری دهۆک، پڕۆژەکە لە 5 ناوچە پێک هاتووە و ڕووبەرەکەی 300 دۆنمە؛ گوژمەی جێبەجێکردنیشی زیاتر لە 62 ملیۆن دۆلارە بووە.
لە بارەی خزمەتگوزارییە بەردەستەکانی ئەم ناوچە پیشەسازییە، دلۆڤان بەرەکات، خاوەنی کۆمپانیای جێبەجێکار، بە پێگەی فەرمیی حکومەتی هەرێمی کوردستانی ڕاگەیاند: ''هەموو ئەو کەرەستانەی پێویستن لە پڕۆژەکەدا، بۆ ئەو کەسانەی لە پڕۆژەکەدا کار دەکەن یان ئەوانەی سەردانی ناوچەکە دەکەن، دابین کراون.
لە کۆی پێنج ناوچەی پڕۆژەکە، سێ ناوچەیان تەواو بوونە و دوو هەزار و 378 دووکان بە ڕووبەری جیاواز لەخۆ دەگرێت، کارکردن لە دوو ناوچەی دیکەش بەردەوامە، ئێستاش 600 دووکان ئاوەدان کراونەتەوە و پیشەوەران کاری لێ دەکەن.
ناوچەی پیشەسازیی ئێستای شاری دهۆک، سیمایەکی ناشارستانی بە شارەکە بەخشیوە، بۆیە شوێنەکەی دەکرێتە باخچە، بەمەش ڕێژەی سەوزایی لە ناوچەکە زیاد دەکات و جوانییەکی زۆر بە دەروازەی ڕۆژهەڵاتی دهۆک دەبەخشێت. [1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 568 times
Write your comment about this item!