ناو: عەبدولوەهاب
نازناو: مولازم عەبدولوەهاب #ئەتروش#ی
ناوی باوک: میرزا عومەر
ڕۆژی کۆچی دوایی: #14-11-2004#
شوێنی لەدایکبوون: گوندی #ئەتروش# ی سەربە پارێزگای #دهۆک#
شوێنی کۆچی دوایی: #دیمەشق# ی پایتەختی سووریا
$ژیاننامە$
عەبدولوەهاب میرزا عومەر، ناسراو بە (مولازم عەبدولوەهاب ئەتروشی)، ئەفسەر و سیاسەتمەدار، ساڵی 1964 ئەندامی ئەنجوومەنی سەرکردایەتی شۆڕش و ئەندامی لێژنەی کارگێڕی سەر بە نووسینگەی جێبەجێکاری (المکتب التنفیذی) ئەنجوومەنی سەرکردایەتی شۆڕش لە باشووری کوردستان بووە، هەروەها فەرماندەی هێزی خەبات لە لەشکری سێ پێشمەرگەی کوردستان بووە، لە ڕێکەوتی 15-04-1967 نوێنەری کۆنفڕانسی سەربازی- ڕامیاری کانی سماق (هەولێر) بووە، لە ڕێکەوتی 09-04-1970 لەدوای ڕێکەوتننامەی 11ی ئادار بە پارێزگاری ئەنبار لە ڕۆژاوای ئێڕاق دەستنیشان کراوە، ساڵی 1970 لە کۆنگرەی هەشتەم بە ئەندامی کۆمیتەی ناوەندی #پارتی دیموکراتی کوردستان# هەڵبژێردراوە، ساڵی 1971 بە پارێزگاری هەولێر دەست نیشان کراوە.
عەبدولوەهاب میرزا عومەر لە گوندی ئەتروش سەر بە پارێزگای دهۆک لە دایک بووە، قۆناغی سەرەتایی هەر لە گوندی ئەتروش تەواو کردووە، قۆناغی ناوەندی و دواناوەندی لە شاری #موسڵ# ی تەواو کردووە، ساڵی 1957 لە کۆلێژی پۆلیسی بەغدا وەرگیراوه، ساڵی 1960 بەکالۆریۆسی زانستی پۆلیسی لە کۆلێژی بەغدا لە خولی 14ی وەرگرتووە، ساڵانی 1975 -1979 لە دوای نسکۆی شۆڕشی ئەیلوول وەک پەنابەر ئاوارەی ئێران بووە، ساڵی 1979 لە دوای سەرکەوتنی شۆڕشی گەلانی ئێران گەڕاوەتەوە بۆ کۆماری ئێڕاق، لە ڕێکەوتی 25 تشرینی یەکەمی 1979 بە فەرمانێکی ئەنجوومەنی سەرکردایەتی شۆڕش بە ڕاوێژکاری لێژنەی کاروباری باکوور دامەزراوە، ساڵانی 1991 - 1992 پارێزگاری دهۆک بووە لەلایەن حکومەتی ئێڕاقییەوە، لە ڕێکەوتی 5 ئەیلوولی 1993 بە فەرمانێکی کۆماری وەزیری دەوڵەت بووە لە کابینەی ئەحمەد حسێن خزەیر ئەلسامەرایی لەسەردەمی دەسەڵاتداری سەدام حسێندا، لە ڕێکەوتی 29 ئایاری 1994 بە فەرمانێکی کۆماری بە وەزیری دەوڵەت دەستنیشان کراو‌تەوە، لە ڕۆژی پێنجشەمە 14-11-2004 لە شاری دیمەشق کۆچی دوایی کردووە و لە شاری دهۆک بە خاک سپێردراوە، شارەزایی زمانەکانی کوردی، عەرەبی و فارسی بووە.
$خەباتنامە$
عەبدولوەهاب میرزا عومەر، ساڵی 1960 بە یاریدەدەری بنکەی پۆلیسی #چوارتا# دامەزراوە، ساڵی 1962 پەیوەندی بە هێزی پێشمەرگەوە کردووە و بنکەی پۆلیسی #پێنجوێن# بە هەموو چەک و جبەخانەی ڕادەستی هێزی پێشمەرگەی شۆڕشی ئەیلوول دەکات، ساڵی 1962 بە سەرلقی چوارتا دەستنیشانکراوە، ساڵی 1964 لەدوای کۆبوونەوەی فراوانی #ماوەت# لەگەڵ زۆربەی ئەفسەرانی لەشکری شۆڕشگێڕی کوردستاندا بڕیاری پشتگیری لەسەرۆک مستەفا بارزانی (1903 - 1979) داوە و دژ بە باڵی مەکتەبی سیاسی وەستاوە‌تەوە، لەسەرەتای مانگی حوزەیرانی 1964دا بە ئەندامی لێژنەی ئامادەکاری کۆنگرەی شەشەمی پارتی دیموکراتی کوردستان هەڵبژێردراوە، ساڵی 1964 نوێنەری کۆنگرەی شەشەمی پارتی دیموکراتی کوردستان بووە، ساڵی 1964 بەشداری لە پاکسازی هێزەکانی باڵی مەکتەبی سیاسی لە ماوەت (#سلێمانی#) ی کردووە، ساڵی 1964 نوێنەری کۆنگرەی #قەڵادزێ# (کۆنگرەی گەلی دووەم) بووە، ساڵی 1964 ئەندامی ئەنجوومەنی سەرکردایەتی شۆڕش لە باشووری کوردستان بووە، ساڵی 1964 ئەندامی لێژنەی کارگێڕی سەربە نووسینگەی جێبەجێکاری (المکتب التنفیذی) ئەنجوومەنی سەرکردایەتی شۆڕش لە باشووری کوردستان بووە، ساڵی 1964 فەرماندەی هێزی خەبات بووە لە لەشکری سێ، ساڵی 1964 فەرماندەیی شەڕی #ئەزمڕ# لە سنووری پارێزگای سلێمانی دژ بە هێزی سوپای ئێڕاقی کردووە، ساڵی 1965 بەشداری شەڕی پێنجوین لە سنووری پارێزگای سلێمانی دژ بە هێزی سوپای ئێڕاقی کردووە، ساڵی 1965 فەرماندەیی شەڕی کانی مانگا لە سنووری پارێزگای سلێمانی بووە، ساڵی 1965 فەرماندەیی شەڕی #سیتەک# لە سنووری پارێزگای سلێمانی دژ بە هێزی سوپای ئێڕاقی کردووە، ساڵی 1966 نوێنەری کۆنگرەی حەوتەمی پارتی دیموکراتی کوردستان بووه، ساڵی 1966 فەرماندەی هێزی خەبات سەر بە لەشکری سێی بووە، ساڵی 1967 فەرماندەیی شەڕی شاخی شنروێی لە سنووری پارێزگای سلێمانی (هەڵەبجەی ئێستا) دژ بە هێزی گرووپی #ئیبراهیم ئەحمەد# - جەلال تاڵەبانی کردووه، لە ڕێکەوتی 15 نیسانی 1967 بە سەرپەرشتی سەرۆک مستەفا بارزانی وەک فەرماندەی هێزی خەبات نوێنەری کۆنفڕانسی سەربازی ڕامیاری کانی سماق (هەولێر) بووە، ساڵی 1969 فەرماندەیی شەڕی شاری هەڵەبجە لە سنووری پارێزگای سلێمانی پێشوو و پارێزگای هەڵەبجەی ئێستای دژ بە هێزی سوپای ئێڕاق و هێزی چەکداری گرووپی ئیبراهیم ئەحمەد - #مام جەلال تاڵەبانی# کردووە، لە ڕێکەوتی 09-04- 1970 لەدوای ڕێکەوتننامەی 11ی ئادار لەنێوان شۆڕشی مەزنی ئەیلوول و حکوومەتی ئێڕاق بە فەرمانێکی کۆماری بە پارێزگاری ئەنبار لە ڕۆژاوای ئێڕاق دەستنیشان کراوە، ساڵی 1970 لە کۆنگرەی هەشتەم لەلایەن نوێنەرانی کۆنگرە بە ئەندامی کۆمیتەی ناوەندی پارتی دیموکراتی کوردستان هەڵبژێردراوە، لە ڕێکەوتی 25 08- 1970، 11-03-1974 لەسەر داخوازی پارتی دیموکراتی کوردستان پارێزگاری هەولێر بووە، لە ڕێکەوتی 01-05-1971 وەک پارێزگاری هەولێر بە بۆنەی جەژنی کرێکارانی جیهانەوە لە شاری هەولێر وتاری خوێند‌ووەتەوە، ڕۆژی سێشەمەی 1 حوزەیرانی 1971 وەک پارێزگاری هەولێر و ئەندامی کۆمیتەی ناوەندی پارتی دیموکراتی کوردستان پێشوازی لە شاندی کۆمیتەی ناوەندی حزبی شیوعی بوڵگاریا کردووە و لە ڕۆژی پێنجشەمەی 03-06-1971 تا سنووری پارێزگای موسڵ بە ڕێی کردوون، لە ڕێکەوتی14-07-1971وەک پارێزگاری هەولێر وتاری پێشکەشی کۆنگرەی دووەمی یەکێتی نووسەرانی کورد کردووە، لە ڕێکەوتی 14 تەموزی 1971 وەک پارێزگاری هەولێر بەشداری لە کردنەوەی دووەمین کۆنگرەی یەکێتی نووسەرانی کورد لە شاری هەولێر کردووە، لە ڕێکەوتی 16-08-1971 لە ئاهەنگی 25 ساڵەی دامەزراندنی پارتی دیموکراتی کوردستاندا لە شاری هەولێر وەک پارێزگاری هەولێر وتاری پێشکەش کردووە، ساڵی 1972 هەوڵی تیرۆرکردنی لەلایەن حکومەتی ئێڕاق دراوە بەڵام ڕزگاری بووە، ساڵی 1974 بە ئاڵوزبوونی بارودۆخ لەنێوان شۆڕشی مەزنی ئەیلوول و حکوومەتی ئێڕاق بۆ جاری دووەم بووە بە پێشمەرگە، ساڵی 1979گەڕاوەتەوە ئێڕاق، لە ڕۆژی پێنجشەمە #14-11-2004# لە شاری دیمەشق کۆچی دوایی کردووە و لە شاری دهۆک بە خاک سپێردراوە شارەزایی زمانەکانی کوردی، عەرەبی و فارسی بووە. [1]