ناونیشانی بابەت: پیرشالیار شیعەیە و نەوەیی ئیمام حسێنە
نووسینی: شوان هەورامی
$زەماوەندی پیر شالیار هیچ پەیوەندێکی بە ئایینی زەردەشتیەتەوە نییە$
هەموو ساڵێک لەناوەندی چلەی زستان ئاهەنگی یادی زەماوەندەکەی پیر شالیار دەکرێتەوە.
لەنزیک شارەدێی #هەورامانی تەخت# مەزارگەیێکی ئایینی هەیە بەناوی مەزارگەی #پیرشالیار#. شوینی ئەم مەزارگەیەش بە (چلەخانە و پیری) بەناوبانگە، هەرچەندە لە ئێستادا لەگەڵ هەورامانی تەخت تێکەڵ بوونەتەوە، بەڵام لەکۆندا تایبەت بووە بە خودی پیر شالیار.
پیر شالیار ئەگەر بەکورتی شیکاری ناوەکەی بکەین بریتییە لە (پیر+شا+لیار)
پیر: ناونیشانێکی ئایینییە، لە ئایینی میتڕادا بۆ کەسانێک بەکار هاتووە کە هەر حەوت قۆناغی خاوێن بوونەوی ڕوح و پلەی پیاو چاکیان بەدەست هێناوە.
شا: ناونیشان و پلەیکی سیاسی و کۆمەڵایەتی بووە بەکەسانێک دراوە کە بە توانا و لێهاتوو بوون.
لیار: واتە وەکیل جێنشین.
بەکورتی پیر شالیار ناونیشانە بۆ ناوی پیاویکی ئایینی میتڕای بەمانای پیری پیران یان شایی شاهان.
شوێنەوارە بەجێماوەکانی پیر شالیار بریتین لە خودی مەزارگەکەی خۆیی و چلەخانەێک کە شوینی پەرستشی خودا وە بەردی کۆمسایی.
کلتوورە باوەکانی پیر شالیاریش لە ئێستادا ئاهەنگی پیر شالیارە کەلەناوەندی وەرزی زستاندا دەکرێت و لەگەڵ شکاندنی بەشێک لەبەردی کۆمسایی و دووبارە چاک بوونەوەی بەردەکە بەپێی قسەی دانیشتووانی ناوچەکە و سەردانیکەرانی مەزاری پیشالیار و بەستنی پەرۆی ڕەنگاوڕەنگ لەسەر دارە بەتەمەنەکانی نزیک مەزارگەکە. ئەنجامدانی قوربانی و درووستکردنی خواردنێکی زۆر و دابەش کردنی بەسەر دانیشتووانی هەورامانی تەخت.
مەڕاسیمەکە سێ ڕوژ دەخایەنێت.
بەکورتی: ناوی پیر شالیار و مێژووەکەی کە بۆ سەدەی دووی بەر لەزایین دەگەڕێتەوە و شوینەوارە جێماوەکانی و کلتوور و بۆنەکانی پیرشالیار تەواو ڕەنگدانەوەی ئایینی میتراین، وەک چلەخانە و ئاهەنگی زوستانە و شوینەوارەکانی و پەڕۆ بەستن و پیر و مێژووش شاهیدی ئەوەدەدەن.
$تێبینی$
یەکەم: من باوڕم بەزیاد بوونەوەی بەردی کۆمسای نییە.
دووەم: لە مێژوودا سێ دانە پیرشالیار-مان هەیە لەهەورامان بەر لەزایین پیرشالیاری یەکەم و دوای زاینیش دوو دانە، من نەمویست بچمە قوڵای مێژوو بەڵام هەندێک زانیاری ئاهەنگی زەماوەندەکەی پیرشالیار دەبێت بۆ سەردەمی پیرشالیاری سێهەم بگەڕێتەوە.
پیرشالیاری سێهەم بەپێی شەجەرەنامەکەی بێیت. بەم شێوەیە:
سەید مستەفا، ئیبن سەید مەعرووف، ئیبن سەید بابیل، ئیبن سەید مەسعود، ئیبن سەید سلێمان، ئیبن سەید فەزڵڵا، ئیبن سەید محەمەد، ئیبن سەید محەمەد، ئیبن سەید حسێن، ئیبن سەید ئەحمەد، ئیبن سەید عەلی ئەلعەزیزی، ئیبن سەید (ئیمام) جەعفەر سادق، ئیبن ئیمام محەمەد باقر، ئیبن ئیمام زێن ئەلعابدین، ئیبن ئیمام حسێن، ئیبن ئیمام عەلی ئیبن ئەببی تاڵب و فاتیمە ئەلزەهرا، (وردە الرسول).
مامۆستا مەلا عەبدولکەریمی مودەڕیس لەپەڕتووکی کۆڕی زانیاراندا دەفەرمووێت پیرشالیار لەسەدەی شەشەمی کۆچی ژیاوە، داستانی زەماوەندەکەشی بەم شێوەیە، بەهار خاتونی کچی شای بوخارا نەگوێی دەبیستێت و نە دەشتوانێت قسەبکات، هیچ کەس نەیتوانی دەوای دەردی کچی پادشا بکات و خەبەر دەنێرن بۆ بوخارا پیرشالیاری هەورامان دەتوانیت چارەی بکات، مامی بەهار و بەشێک لە دار و دەستەکەی دەکەونە ڕێ بۆ هەورامانی تەخت بۆ خزمەت پیرشالیار دەگەنە هەورامان بەهۆی بیستنی دەنگی سەیر و دیمەنی جوان لەنزیک ماڵەکەی پیرشالیار و کەراماتی پیری هەورامانەوە زمانی دەکرێتەوە و دەشتوانێت ببیستێت، بەم شێوەیە بەهارخاتون دەدەنە پیرشالیار بەڵام پیرشالیار لەڕوی مادیەوە لاواز دەبێت و دانیشتووانی هەورامان بە ئیفتخاری کچی پادشا و کەراماتی پیرەکەیان زەماوەندەکەی لە ئەستۆ دەگرن و وەک ڕوداوێکی مێژوی ساڵانە یادی دەکەنەوە.
$تێبینی$
بۆ زیاتر ئاشنابوون بە پیرشالیار و مێژوویان دەتوانن کەڵک لە پەڕتووکی (پیرشالیار اسر (رئوف) محەمەدپور) - (تاریخ کرد و کردستان اسر آیت اللە مردوخ) - (دیوان پیرشالیار اسر محەمەدامین بهاالدین) - (کۆڕی زانیارانی کورد عەلامە مامۆستا مەلا عەبدالکرمی مودەڕیس) وەربگرن. [1]