$ژیاننامە$
ل بەهارا ساڵا1901دە ل گوندێ #تەکیە# یێ سەرب باژێڕوکێ #خورماڵ# ژدایک بوویە و ناڤێ وی ب تمامی عەبدولکەریم محەمەد فەتاحە و دەستپێکا خوەندنا وی ژی ب قورئان و پەرتووکێن ئایینی بوویە و ساڵا1913 دەستپێکێن نەحو سەرفێ خوەندییە، ل دەستپێکا شەڕێ ئێکەمێ جیهانیشدە ل مزگەفتا #مەڵکەندی# یا باژێڕێ #سلێمانی# ئاکنجی بوویە و دەست ب خوەندنا پەرتووکا شەرحا جامی کرییە و پشترە چوویە مزگەفتا مەلا محەمەد ئەمین بالیکەدەری و ل ساڵا1924 ل ئاهەنگەکا بەرفرەهدە ل باژێڕێ سلێمانی موڵەتا مەلایەتیێ وەرگرتییه.=KTML_Photo_Begin=https://www.kurdipedia.org/files/relatedfiles/2008/82/0003.JPG=KTML_Photo_Alt=مەلا عەبدولکەریمی مودەریس=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/82/0003.JPG=KTML_Photo_End=
ل ساڵا1960ێشدا ل مزگەفتا #شێخ عەبدولقادر گەیلانی# ل بەغدا ب ناڤونیشانێ مودەریس هاتیە دامەزران، پتر ل 50 فەقێ لسەردەستێ موڵەتا زانستی وەرگرتینه، هەر لوی دەمەی ببێ سەوتان مژویلی وانە گوتنێ بوویە ل زانستێن شەرعی و وێژەی و عەرەبیدە. مەلا عەبدولکەریم مودەریس چەندین پەرتووک و بەرهەم وەک نڤیسینا ژیان و بسەرهات و هەڵبەستێن چەندین شاعیران وەکە مەولانا خالید و شێخ عوسمان و سەراجەدینی بەڵاڤ کرینه، هەروەسا چەندین هەڵبەستیش لژێر ناسناڤێ نامی بەڵاڤ کرینه و ڕۆڵەکێ گرنگ هەبیە ل ب کوردی کرنا فیقها ئیسلامی و تەفیسرا قورئانا پیروز و تەجویدا وێ.
$بەڵاڤۆکێن وی$
هندەک ل پەرتووکێن وی یێن ب نرخ کو ب زمانێ کوردی هاتینە نڤیسین: #یادی مەردان# و دووبەرگ، #بنەماڵەی زانیاران#، هندەک ژی دەربارێ شەریعەت و ئیسلامێ نە، کومەڵە هەڵبەستێن فەقێ قادری هەمەوەند، #تەفسیری نامی# حەفت بەرگ، مەکتوباتی کاک ئەحمەدی شێخ چار بەرگ، عەقیدەی مەرزیەی مەولەوی، #دیوانی نالی#، #دیوانی مەولەوی#، #دیوانی مەحوی# و چەندین پەرتووکێن دن ب زمانێ کوردی و عەڕەبی و فارسی نڤیسینە و بەڵاڤ کرینه.
ماموستا مەلا عەبدولکەریم مودەریس، لسەر ئاستێ ئیراقێش ب زانایەکێ مەزن هاتبوو نیاسین و خوەدیێ فەتوایا ئایینی بووه، لەوما چەندین ساڵان پۆستێ سەرۆکایەتیا ڕابیتەیا عولەما یێن ئیراقێ بن دەستێ وی بوو، لڤێژی گرنگتر لڤان ساڵێن بوهری دە 3 هزار زانایین ئایینێ سوننە ب پییان کو لو هەموو پارێزگەهێن ئیراقێ هاتبوون و ل بەغدایێ کۆمبوون، ببێ پشکداری کرن و ئاگەهداریا وی بخۆە جەنابێ مەلا عەبدولکەریم مودەریس ب سەروکێ (الامانە العلیا للافتا و و التدریس و البحوث و التصوف) هەلبژێراد، لێ ژبەر کو تەندرووستیا وی نەیاباش بوویە ئەڤ پوستە ڕەت کر. سەرباری وێ چەندێ کوو ماوەیەک ئەندامێ کارایێ کۆڕا زانیاری یا ئیراقێ-دەستەیا کورد - بوویه، هەروەسا باوەڕپێکریێ کۆڕا زانیاری یا وڵاتێ ئوردونێ ژی بوو.[1]
کەسایەتیێ مەزنێ ئایینی و ئەدیب و زانایێ گەلێ کورد ماموستا مەلا عەبدولکەریم مودەریس د ژیێ 104 ساڵیدە ل دەمژمێر 12ی شەڤا 29 لسەر #30-08-2005# ل باژێڕێ بەغدایێ وەغەرا داویێ کر.[2]
=KTML_Link_External_Begin=https://muderis.chyadost.net/=KTML_Link_External_Between=سایتێ مەلا عەبدولکەریم مودەریس=KTML_Link_External_End=