ئەز ڕۆژین حاج حوسێنم. ئەندازیار و هونەرمەندا کورد ل باژێڕێ #قامشلۆ# یا ڕوژئاڤایێ کوردستانێ مە، ئەڤ 11 ساڵن ئەز ل #هەڤلێر#ێ دژیم. ل ژیێ 3سالێ ڕە من کارێ هونەری کرییە و د ژیێ 14ساڵێدە ل سوریایێ پلەیە ئێکەم بدەست خوەڤە ئینا و ل ئەندازەیا کۆمپیوتەرێ باوەڕنامەیا ماستەرێ بدەست خوەڤە ئینا و دوو ساڵان لسەر زانستێن هونەری یێن ڕازبەر خوەندییە.
د ماوێ 10 ساڵێن شەڕیدە من تابلۆیێن خوە ژبو کارێن خێرخوازی ل ڕوژئاڤا ددان. من پشکدارییا گەلەک پێشانگەهان کرییە و پێشانگەهێن تایبەت بخوە هەبووینە و چەندین سوپاس پێزانین ل دەرڤە و ناڤخویێ کوردستانێ وەکە رێڤەبەریا ڕەوشنبیرییا هەڤلێرێ وەرگرتینە.
گەلەک بەرهەمێن من وەکە بەرگێن ئێکەم یێن پەرتوکان هاتینە بکار ئانین.هیڤیا من ئەوە کو ئەز دیروک و کلتورێ کوردان ب ڕییا هونەرێ خوە ل جیهانێ بەڵاڤ بکەم.
ڕەنگێن هەرێ خوەش، ئەکریلیکن وئەز هندەک جاران پاستیلا ڕون، چیمەنتو، قوماشێن جوربجوربکار تینم، ب دەنگەکێ بلند رەقس و موزیکان وەکە موزیکا بوهارا کوردی یا دەولەمەند وەکە فلکلورا کوردی من ئیلهام وەرگرتییە. وەک خالچیێن پرڕەنگ و جل وبەرگێن کوردی یێن بێ هەژمار ب ڕەنگەک کوو باڵا تەماشەڤانان ڕادکێشی، تاڕیتی و ژانێ ل هۆلان ڕادکە و دفکری کو ئەو ژبو بسکەکا دن هەمبێزا خوە ڤەدکە و د بوهارەکە ڕەنگین و بێداوی دانە.
ئازادی و خەون و ئێشین کو ئەم کورد ب تایبەتی و ڕایا گشتی ب گشتی ژبەر هن سەدەمێن ڕی لبەر ئەشکەرە کرنا وانا ئەم هاتین گرتن، من کاری ب هەموو هێزا خوە وانا بخەمە سەر تابلۆیێن خوە داکوو دەنگێ وانا بگەهینم دونیایێ ب ئاوایەکێ خوەش و ئەولە. هەمی کارکتەرێن من کوردن و لسەر کوردانن. بەرهەمێن من دهەمان دەمدە سادە و تەڤلی هەڤن، ئەڤ ئێک ژبو تەماشەڤانێن کو خوەدی نەرینەک چاندی و کوراهییا هونەرییە گرنگە کو بکاربە وان بخوینە و دلێ خوە بدەتێ بێی کوو ل شرۆڤەکرنێ بێزار ببە. [1]