ناڤ: یەحیا
ناسناڤ: وێنەگر
ناڤی بابی: سەعید کەریم
ساڵا ژدایکبوونێ: 1889
ڕوژا وەغەرا داویی: #09-10-1976#
جهێ ژدایکبوونێ: #خانەقین#
جهێ وەغەرا داویی: #سلێمانی#
$ژیاننامە$
کوورتەیەک ل ژیاننامەیا یەحیا ئەفەندی
یەحیا سەعید کەریم ئاغا، ناڤێ باپیرە مەزنێ وی ئیسماعیل ساڵا (1889) ل دەڤەرا خانەقین ژدایک بوویە ل ماڵباتەکە خویندەوار و ڕەوشنبیر بوویه، لەوما هەر ب زاروکی ڕە دکەڤیتە بەرخوەندنێ.
ل جەنگێ ئێکەمێ جیهانیدە دەبیتە ئەفسەرێ سوپایێ ئینگلیز و پشکدارییا جەنگ دکەت، لدیف ژیاننامەیا وی دبیت ل ساڵێن (1910) بو 1915) هەڤژینا ئێکەم هینابیت، ماموستا عەتا قەزاز دبێژیت: داپیرا من ئامینەیا هەڤژینا یەحیا ئەفەندی خوەشکا حەمە ئاغایێ عەتارە کو زەڵامەکێ بەرنیاسێ سلێمانییە، یەحیا ئەفەندی ل هەڤژینا خوە یا ئێکێ کەچەک هەبوویە بناڤێ (لوتفی).
ل ساڵا (1934) دچیتە سلێمانی و ب وێنەگریێ ڤە مژویل دبیت.
ل ساڵێن سیهاندە لوتفیەی کەچا وی شی دکەت ب مستەفا قەراز و لوتفیێ سێ کوڕ و کەچەک دبن بناڤێ لەتییف قەزاز، عەزیز قەزاز؛ عەتا قەزاز، کچەکەش بناڤێ سوبحی.
لدیف پاسپۆرتا وێ (1936) دچیت ژبو تورکیا ب مەرەما سەفەرو ل وێرێ ژنەکێ بناڤی (جەمیلە) ڕازی دکەت ژبو هەڤژینیێ و دگەل خوە دهینیت بو سلێمانیێ، لێ جەمیلەیێ زارۆک نابن و کەچەکێ ب زارۆکی هەل دگریت و دکەت ب کەچا خوە و ناڤێ وێ دکەتە (نەسرین).
ساڵا (1948) ژنا سێهەم دهینیت ل خانەقین ب ناڤێ ئایشە، لڤێ ژنێش سێ کوڕ و سێ کەچ هەبوون، کوڕەکان بناڤێ سەڵاح، سەردار، سالار، کەچک ژی بناڤێ سەباح، نەجات، سوعاد.
یەحیا ئەفەندی لماوێ ژیانا خوە زور حەز ل گەڕیان و گەشتوگوزار هەبوو، چەند باژەڕەکێن تورکیا و ئیران و ئیراقێ گەڕیایە، ل بەغدا و #هەڤلێر# و #کەرکووک# و #سلێمانی#، دووکانا وێنەگریێ هەبوویە.
ب تۆمەتا جاسوسی ل زەمانێ مەلیکیدە دهێتە دەستەسەر کرن و ئەمرێ ل سێدارەدانێ ژبوی دەردچیت، پشتڕە لسەر قسەیا جەمیلە خانما ژنا وی ئەمرێ وی هات گوهارتن ب دوو ساڵ زیندانی و دوو ساڵ دەستەسەریێ، دوو ساڵان زیندانی ل مووسڵ تمام کرن و دوو ساڵێن دەستبەسەریێ ل بەغدا، پشتڕە ڤەگەڕیا سلێمانی.
هەڤالێ نزیک یێ هەڤژینا حەفید و شێخ و حەفسەخانێ بو، هەڤاڵینی تەڤی زوربەیا ڕەوشنبیر و هۆزانڤانێن ڤی باژێڕەی هەبوویە، ل ماوێ ژیانێدە چەندین کەس فێری وێنەگرتنێ کرینه و چەندین کەس ژی فێرێ زمانێ ئنگلێزی کرینە.
ل ساڵا (1924) هەتا مرنێ، وێنەیێ چەندین مروڤێن بەرنیاس گرتییه، خوەدیێ دیوانەک هۆزانان بوویه، لێ ب تەنێ حەفت پارچە شەعر ل دیوانا ویدە دەرچووینە.
ل (09-10-1976) وەغەرا داویێ کر و ل گوڕستانا گردی سەیوان هات بخاک سپاردن.
تێیینی: ئەڤ ژیاننامەیە ل چەند نڤیسینێن ماڵبات و دانپێنانێن یەحیا فەنی و نڤیسینا چەند کەسێن ناڤدار و ڕەوشنبیرێن سلێمانی و بیرهاتنێن ماموستا عەتا قەزاز و سالارێ کوڕێ وی و کەچکێن وی وهاتییە هەلبژاردن.
[1]