نامۍ: سەباح
نازنام: هۆرامی
ساڵۊ پېڎابېیەی: 1963ز.
تاریخو مەرڎەی: #29-11-2012#ز.
یاگۊ پېڎابییەی: #خارگېڵانە _ هۆرامان#
یاگۊ مەرڎەی: #سلېمانی#
$ژیۋاینامە$
سەباح هۆرامی، دەگاو (خارگېڵانۍ) نزیک بە شارەدەگاو بیارۍ ئامان دنیا، تەمەنو زارۊڵەیینە خولیاو گۊڕانی واتەی بییەن، بە چەم بڕیەی گۊرانی واچە ڕەسەن و نامڎارەکا هۆرامانی، تاوانش بە فەترێ کەم وېش فېروو سیاوچەمانەی و بەزمو چەپڵا بکەرۊن، سەرەتاو هەشتاکا، بە دیاریکریایی ساڵەو (1982ز.) یەکەم کاسێتی دەنگی وەڵاکەرۊوە، پېشوازیێ فرەش چەنە کریۊن، ئیتر ئەچاگۆ مەشناسیۊن و هەسارەو بەختېش مەدرەوشیۊوە.
سەباحی ڕەحمەتی، شېوازێ وېشانەش بییەن جە گۊرانی واتەینە، جیاواز جە وەڵینەکا، هەرچن جە ئەوەڵۆ ڕەخنەش وەنە گېریان، بەڵام دماتەر بەرکۆتەن کە شېوازەکەش ڕاس و ڕەسەنەن.
جە شارو سلېمانی پێمانگاو کشتیاری تەمامنۊ، ساڵەو (1988ز.) پېوەڼی بە ڕیزو پېشمەرگا کوردەسانیۆ کەرۊن.
بەشێ جە خانەواڎەکەیشان دلۍ کیمیایی وارانو هەڵەبجەینە شەهیڎۍ بیېنۍ، وېچش ئاوارەو وەرکۆتو کوردەسانی بییەن، ئەچاگە قەدرێ فرەش گېریان و زیاتەریچ ئەشناسیان.
خاوەنو زیاتەر جە (100) سەڎ گۊرانیان، کە بڕێشان ئاوازۍ وېشەنۍ. سەباح هۆرامی، شېعرۍ شاعېرە کۊنەکاش پەی دلۍ ئاوازەکاش بەکارئاردېنۍ، چوونکوم سەرو کېشو پەنجەینۍ و داراو ئاوازینۍ، یانەکەش یاگۍ گلېرۆبیەی هونەرمەڼەکا وەرکۆتی و پانیشتی بییەن. ڕەحمەتی چەنی هەرمانە هونەریەکېش، پەنەۋازیە نەتەوەییەکېش پېسە پېشمەرگێوە بەجا ئاوەردېنۍ، تاریخو (#29-11-2012#ز.) دلۍ ئەرکی پېشمەرگەیینە جە شارو سلېمانی بە سەکتەو زېڵۍ (دڵ) کۊچی دمایینش کەردەن.
دەنگ و سەڎاو سەباح هۆرامی هەر زیڼەن، ئاوازە خەمگین و دڵگیرەکېش ئارامی ڕۊحی مانیاو هۆرامیەکانۍ، هەر دەم شەیدێ دەنگەکەیش و وەردەنگۍ سەڎا و ئاوازەکاشەنی.
ئەسعەد ڕەشید. [1]