کورد دلۍ چەرخەکا تاریخینە
بەشۍ: دوەسەڎ و چل و یەرەمە
نویستەی: #هاوڕێ باخەوان#
* مانگەو (3) ئی ساڵېنە، کۊبیەیۆ یەحیا شېخ سەعیدی ئەرەکیانیاو یەمەنیەکا، چەنی سەردارە کوردەکا جە موش، دماتەر ئانۍ چا جەمېنە ئاماڎۍ بېنۍ بە دەسو تورکەکا گېریێ.
* مانگەو (5) ئی ساڵېنە، سالار ئەلدەولە دلۍ گردو ناوچەکانو وەرکۆتو کوردەسانیرە گېڵاو گەلێ جە خانەکانو سەقزی پەشتیشان گېرت.
* هەر ئەچی مانگېنە، یانی مانگەو (5)، نزیکەو دۋۍ هەزار چەکدارۍ موکری داشا پاڵو سالار ئەلدەولەی.
* مانگەو (6) ئی ساڵېنە، عەبدولڕەزاق بەدرخان لوان پەی ڕووسیای.
* مانگەو (7) ئی ساڵېنە، سالار ئەلدەولە کرماشانش داگیرکەرد.
* هەر مانگەو (7)ی، سالار ئەلدەولە بانگەوازو سەرداری گردو کوردەسانیش کەرد و کۆت وېئاماڎەکەردەی تاکو ڕوەو تاران بجمۊ.
* مانگەو (8) ئی ساڵېنە، دلېڕاسەو مانگېنە، سالار ئەلدەولە هەمەڎانش داگیرکەرد، تەمامو ئا هەرمانا سالار ئەلدەولەی بە پەشتەو تورکەکا بۍ.
* مانگەو (9) ئی ساڵېنە، جەنگو میانو تورکیا و ئیتالیای هۊرگیسیا.
* تاریخو (21-10-1911.ز)ڕېککۆتەنامێ میانو ئێران و تورکیای مۊرەکریان پەی چارەکەردەو گرفتە سنووریەکانی هەکە کوردەسانی گېرېوە.
* مانگەو (12)ئی ساڵېنە، شېخ موحەمەڎ عەلی سەرخېڵو تاڵەبانی لوان پەی بەغڎای، چەنی یاوەرو قونسوڵو ڕووسی کۊبېیەنۆ، پەی ئانەی خېڵەکانو تاڵەبانی و داودی و زەنگەنە و هەمەوەندی ببان بە شۊنکۆتۍ ڕووسی، پا شەرتۍ زەمین و زارەکەشان پەی مەنۊوە.[1]