کورد دلۍ چەرخەکا تاریخینە
بەشۍ: سەڎ و هەشتا و هەشتەمە
نویستەی: #هاوڕێ باخەوان#
ساڵەو (1872ز): چن تۊمارێ پېوەس پی ساڵېوە پەی ئېمە مەنېنێ:
* ئەچی ساڵېنە فەقی قادری هەمەوەڼی وېش دان دەسو بەغڎایۆ.
* حوسێن نازمی شاعېر، ئەچی ساڵېنە ئامان دنیا.
* ئەچی ساڵېنە تورکەکۍ ئاڼە باجشان دلۍ سەرنیشتو کوردەسانینە کۆکەردەنۆ:
ئەرزەڕۆم (2، 233، 301)، وان (3، 950، 326)، مووش (1، 371، 661)، چڵدیر (983، 246)، بایەزید (827، 081)، ئەرزنجان (922، 071)، قارس (نەزانیان)، سەرجەمو گردی کەرۊن (9، 404، 286) ملیۆن پێسە.
* ئەچی ساڵېنە، فارسەکۍ تینیشا ئاردېبۍ پەی کوردەکانو ناوچەکانو مەرگەوەر و تەرگەوەری، تاکو سەرانەشان چەنە پسانان، بەڵام ئاڎۍ نەلێنە چېرو بارو فارسەکان، بەڵکوم سەرانە دېنۍ بە شېخ عوبەیدوڵڵای شەمزینی.[1]