لە ڕاگەیێنراوەکەی پەیەدە دا هاتووە:
ئەو سیاسەتە کلاسیکەی ڕژێمی سوریا و حکومەتە هەرێمیەکان پەیرەوی دەکەن، بووەتە هۆکاری سەرەکی بۆ گرێکوێرەی کێشەکان و قوڵبوونەوەی ئاڵۆزیەکان و دروستبوونی شەڕێکی هەرێمی و نێودەوڵەتی لە ناوخۆی سوریا. هاوکات جنێڤ و ئاستاناش، لە جیاتی ئەوەی ئەم ئاڵۆزیە چارەسەر بکەن، قوڵتری دەکەنەوە.
تورکیا لە ناوچەکە ڕۆڵێکی وێنکارانەی بینی، هەڕەشە لە ئارامی و ئاسایشی ناوچەکە و نێودەوڵەتی دەکات، هێرشەکانی لە سوریا و لیبیا و عێراق پێشێلکردنی یاسا نێودەوڵەتیەکانە و ئەمەش مەترسیە بۆ سەر گشت گەلانی ناوچەکە. چونکە دەوڵەتی تورکیا هەوڵی داگیرکردن و باڵادەستبوون دەدات لە ڕووی سەربازی و سیاسی و کۆمەڵایەتیەوە.
تورکیا بە ئاشکرا تاوانی دژی مڕۆڤایەتی ئەنجام دەدات و ئەم تاوانانەش ڕۆژ بە ڕۆژ کەڵەکە دەبن؛ وەکو بڕینی ئاو لەسەر سوریا و عێراق کە بەمەش هەڕەشە لە ژیانی ملیۆنان کەس دەکات، شەڕی قڕکردن لە دژی گەلانی ناوچەکە دەکات، هەروەها هاوشێوەی #داعش# ئایدۆلۆجیەکی ئایینی توندڕەو دەسەپێنێت. بڕیارەکەی حکومەتی تورکیا لەبارەی موزەخانەی ئایاسوفیا بەرچاوترین نمونەیە کە دەبێت گەلانی ناوچەکە لە دژی ئەم مەترسیە بوەستنەوە.
یەکێتی گەلان تاکە ڕێگەی چەسپاندنی ژیانێکی هاوبەش و تاکە هەڵوێستە لە دژی هەموو پلانگێریەکانی دژی گەلان و دواڕۆژیان، هاوکات پرۆژەی نەتەوەی دیمۆکراتیک گونجاوترین پڕۆژەی گەرەنتیکردنی یەکێتی و ناسنامە و تێکۆشانی هاوبەشە.
یەکێتی کورد گونجاوترین قۆناغە. پەیەدە هەموو هێزی خۆی بۆ هەوڵی سەرخستنی یەکڕیزی نشتیمانی و دیالۆگی ناوخۆیی کورد بەکار دێنێت.[1]
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,113 car hatiye dîtin
Raya xwe li ser vî babetî binivîsin!