#هەندرێن محەمەد# سەرۆکی کۆمسیۆنی باڵای سەربەخۆی هەڵبژاردنەکان و ڕاپرسی لە هەرێمی کوردستان سەبارەت بە بڕیارەکەی دادگای فیدراڵی عێراق لە وتووێژێکی بەشی کوردی دەنگی ئەمەریکا دەڵێت سوپاسی دادگای فیدڕاڵ دەکەم بۆ ئەوەی کە بە ویژدان و دادپەروەر بوو له و بڕیارەی داویەتی تەنانەت دەمەوێت سوپاسی سکاڵاکارانیش بکەم، چونکە ئەوان بوونە هۆی ئەوەی ئه و کۆمیسیۆنە بەشێوەیەکی فەرمی و دەستوریی بناسرێت، هەرچەندە لە سەرەتادا پێمان ناخۆش بوو کە ئه و سکاڵایە کرا، بەڵام بەخێر گەڕایەوە بۆ کۆمیسیۆنی کوردستان، دەشڵێت ئومێد دەکەم هەموو لا هاوکاری ئه و کۆمیسیۆنە بن تەشهیر کردن بە کۆمیسیۆن بە دامەزراوەیەکی هەرێم شتێکی خراپە و شتێکی نیشتیمانی نییە ئەگەر هاتوو ئێمە لە داهاتوودا بچینە ناو پرۆسەیەکی هەڵبژاردنەوە، بەڕاستی ئەمجارە کۆمیسیۆن بەر پەرچدانەوەی یاسایی توندمان دەبێت بەرامبەر هەر لایەنێک تەشهیر بە کۆمیسیۆن بکات بەپێی ئه و یاسایانەی کە لە هەرێمە.
هەندرێن محەمەد زیاتر وتییەوە جێگای دڵخۆشیە بەڵێ سەد لە سەد کۆمیسیۆنی کوردستان دەسەڵاتی ئەنجامدانی هەموو هەڵبژاردنەکانی هەیە لە کوردستانی عێراق هەر جۆرە هەڵبژاردنێک بێت یان هەر جۆرە ڕاپرسیەک بێت. [1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 820 times
Write your comment about this item!