باخچێوە بېگەرد
نویستەی: میرزا ئۆلقاڎرو پاوەی
بەشۍ ششەمە
میرزا ئۆلقاڎر ئەچی بەشەنە باس جە سەرەتاو درووسکەردەو جەحەڼەمی کەرۊن: چەنی خوڎای بانی سەر حۆت تەبەقۍ زەمینش بە دووکەڵ سېیاو کەرد، پەڕش کەردۍ ئایېر، هەزار ساڵۍ ئایېرەکە دەمناش، تاکو ڕەنگەش قرمزییە بېیە، دمای هەزار ساڵا تەری ڕەنگەو ئایېرەکەی چەرمۍ بېیە پېسە کافووری، بەڵام ئیسە ڕەنگەش سېیاوەنە، چوونکوم دماتەر هەزار ساڵۍ تەر گڕان.
پادشای قەهار، دارای بۍ ئەندېش
دوزەخ درووسکەر، جە قودرەتی وېش
هەفت تەبەق زەمین، بە دووکەڵ ڕەش کەرد
یەک جە بانی یەک، گرد پەڕ ئاتەش کەرد
هەزار ساڵ تەمام، دەمناشان وە دەم
تا کە قرمز بیی، بۍ زیاڎو کەم
دیسان هەزار ساڵ، دەمناشان زەروور
تاگېڵان ڕەنگش، سفید، چوون کافوور
پەی پەی دەمناشان، ئەیزەن هەزار ساڵ
تا کە سیا بی، چوون سیا زوخاڵ
ناری جەهەڼەم، ئیستە، سیاهین
خیلافش، نېیەن، حەق وېش گەواهین.[1]