ئامادەکرنا: بۆتان گەرمیانی
وەرگێڕانا: #کامەران ئاکرەیی#
جەژنا قەوڵتاس بۆنەیەکە تایبەتە ب کاکەیی و یارسانان، هەمی ساڵێ ل وەرزا زڤستانێ دە ئەڤ جەژنە تێ ئەنجام دان، کو لدەف زۆربەیا خەلکی یا نەنیاسە.
#18-01-2022# ڕوژا جەژنا قەوڵتاس یا کاکەییانە، کو پشتی سێ ڕوژان ب ڕوژی بوونێ دهێت، ل چواردەیا چلەیێ مەزن یێ زڤستانێ هەیا 17ێ زڤستانێ، ل شەڤا سێهەم دبیتە جەژنا وانا و ل ڕوژا جەژنێدە، ل جەمخانەیێ سەرا هەڤدوو دکەن و جەژنە پیروزیێ ژێک دکەن.
لدیف چاڤکانی یێن ئایینێ کاکەیی ناڤێ “قەوڵتاس” ل واتایا وێ کوو پەیاما ئاسمانییە، هاتییە وەرگرتن. یارێن قەوڵتاسێ 7کەسن، ئەو حەفتە کوو ک (سوڵتان سەهاک) داڕێژەرێ ئایینێ یارسان، ژبۆ کاروبارێن کۆمەڵایەتی هاتبوونە هەڵبژاردن. ئەڤ 7 کەسە دکەڤنە ڕێ ژبو خزمەتا سوڵتان سەهاک ل هەورامانا ڕوژهەڵاتێ کوردستانێ، ژبەر شەکەتییا ڕیێ ل نزیک گرێ شاهۆ لە باژێڕێ پاوە ل ئشکەفتەکێ بێهنا خوە ددەن و دبێژن “ئەگەر سوڵتان سەهاک یێ حەقە بلا ئەو بخوە بهێتە پێشوازییا مە”.
ئەڤەش دبیتە سەبەبێ دلگرانییا سوڵتان سەهاک و “مستەفا داودان” دهێنیرتە پێشوازییا وانا و ب فەرمانا سوڵتان عەڤرەک ل عسمانێ درووست دکەت و سێ شەڤان بەفرێ لسەر سەرێ وانا دبارینیت و دکەڤنە بن بەفرێ.
کاکەیی ل پێش ئەنجامدانا جەژنا قەوڵتاس سێ ڕۆژان ب ڕۆژی دبن، ل چواردەهەما چلەیا مەزنا زڤستانێ هەیا حەڤدەیێ زڤستانێ، ل شەڤا سێهەمین دبیتە جەژن و ڕێوڕەسمێن جەژنێ دگێڕن.
ڕێوڕەسمێن جەژنا قەوڵتاس ل پێنج ڕۆژان ئێک ب ئێک بڕێڤەدچن. ل ڕۆژا جەژن کو ڕۆژەک پشتی وان سێ ڕۆژانە کوو بڕوژی دبن، یاران ل جەمخانەیێ سەردانا هەڤ دکەن و جەژنە پیروزیێ ژێک دکەن.
یارسان یان کاکەیی، دینەکێ تایبەتن کو ھەلگرێ بیروباوەڕ و فەلسەفەیەکا کەڤنار یا کوردەوارینە، مەڵبەندا دەستپێکا ڤی ئایینەی ل #لوڕستان# و دەڤەرا گۆران و #هەورامان#ا لهۆن بوویە، ل گەلەک جهێن کوردستانێ یێن هەین، ب تایبەت ل هەرێما #کرماشان# و لوڕستان و #ھەڵەبجە# و گوندێ ھاوار و #گەرمیان# و گەرمەسێر و #کەرکووک# و دەشتا نەینەوا.
لدیف گوتنێن هندەک دیروک نڤیسان، ناڤێ یارسان کوورتکریا «یارسوڵتان» ە و مەبەست لێ سوڵتان سەھاکە، ئانکوو یارسان ب واتایا جهێ یار یان مریدێن ئەھلێ حەق یان یارێ سان دهێت، واتا ئەوێن یارێن پاشا و خودێنە، ب کاکەییش دهێنە ناڤ برن،
بوونا ئایینێ یارسان ڤەدگەڕت بو سەردەمێ میتراییان (4000-5000ھەزار ساڵ بەرییا نها) و هەیا نها ژی 2024 تایبەتمەندی یێن خوە یێن میترایی پاراستینە.
یارسانییان سێ جەژنێن خوە هەنە، ئەو ژی: جەژنا سوڵتان سەهاک، جەژنا قەوڵتاس (قووتاس) و جەژنا #نەورۆز#. [1]