نڤیسەرێ ناڤدارێ کورد کو ب عەرەبی دنڤیسی ژییەکێ درێژ د بوارێ نڤیسینا ڕۆمان و شانۆیێدا برە سەر و خوەدیێ چەند بەرهەمێکێن ب پیتە لڤی بوارەیدا، نڤیسەر خوەدیێ چەند شاکارەکێن ب ناڤوبانگە و چەندین خەلات لسەر بەرهەمێن خوە بدەست ئیناینە وەکە:
الجراد، خەلاتا پەرتووکا ئیراقی 1970
السؤال، خەلاتا باشترین دەقا ئیراقی 1975- 1976
فی الخمس الخامس، خەلاتا باشترین دەقا ئیراقی 1979 -1980
العلبە الحجریە، خەلاتا باشترین دەقا ئیراقی 1982-1983
اڵاشواک، خەلاتا باشترین دەقا ئیراقی 1988-1989
تکلم یا حجر، خەلاتا دانەرێ خودان شیان 1988-1989
زلزلە تسری فی عروق الصحراء، خەلاتا لیژنەیا شانۆیا دووهەم 1999
ڕؤیا الملک، خەلاتا دەولەت بو داهێنان 1999
شعر بلون الفجر، خەلاتا دەولەت بو داهێنان 2000
مسرحیە الخاتم، خەلاتا ئێکەم/ پێشبڕکێیا وەزارەتا ڕوەشنبیریا ئیراقێ 2005.
محێدین زەنگنە ل ماڵباتەکە کورد ل باژێڕێ #کەرکووک# ژدایک بوویە و د ژیێ 14 ساڵیدە بوویە کو دەست ب نڤیسینا ئەدەبی کرییە و ساڵا 1962 ل کۆلیژا ئاداب پشکا عەرەبی یا زانینگەها بەغدایێ دەرچوویە و پشترە بوویە ماموستا
ماموستایێ وەغەر کری، ناڤەکێ دیار د دونیایا ئەدەب و هونەر و ڕووناکبیریا کوردستانێ و ئیراقێ دە بوویە، کو ب دەهان پەرتووک و گوتار و ڕٍۆمان و شانۆنامە نڤیسینە کو ل ئاستێ کوردستانێ و ئیراقێ و وڵاتێن عەرەبیدا ئێک ژ کەسێن هەرێ بەرکەفتی د ئەدەب و ڕووناکبیریێ دە بوویە.
ماموستا محی الدین زەنگنە کو هەیا چەند ساڵەکان بەریا نها ل باژێڕێ بەعقوبەدا دژیا، ژبەر هەڕەشەیا تەرۆریستان ناچار بوو جهێ ژیانا خوە ژبو #سلێمانی# ڤەگوهزیت و دگەل خوەشدا پەرتووکخانەیا زەنگینا خوە ڤەگوهاستە سلێمانیێ.
ل ڕوژێن تاڕی و ڕەش یێن سەردەما ڕژێما بوهری ب چەکێ بیروباوەڕ و قەڵەم و نڤیسین دگەل ستەما ڕژێمێ ڕیبڕی دبوو و ب ڕییا نڤیسین و بەرهەمێ ئەدەبی ، دژبەری ستەم و ژناڤبرنا نەتەوی و ژبو چین و تاخێن نەدار یێن کوردستانێ و ئیراقێ هەوڵ خوە ددا.
ب مخابنیڤە ل باژێڕێ سلێمانیێ و ل ڕێکەفتا #21-8-2010# وەغەرا داویێ کر.[1]