پەی دەگاو بەڵخەی

بەنامی خوای گەورەو مهرەبانیۆ، بەنامی ئا زاتەی کە هه ر ویش تاکو تەنیان و بۍ شەریکا.
سەرەتا سڵامێ پەڕ ڕەحمەتو خوڎای گەورەتا وەنەبۊ، سڵامێ پېسەو بوەو سورە هەراڵەی و چنوری و شەوبوی و لوی پێ شمەی ئازیزم پێ شمەی هام دە گا نشینیم دە گاو بەڵخەی سەرکەشی، جە هەریاگ هه ندۍ چ جەکوردستان چ جە بەرو کوردستانی.
ئازیزەکام، مەعلومەن جەلاو گردیماوە جەگولانەی تاکو گۆرەیما مشیوم خەمو ئی دەگێ وەرمی، دەگاو بەڵخەی بەبۍ عاجزبیەی بەبۍ تانەو تەشەر، بەبی دژیایەتی کەردەی، بەبۍ ئانەیە دڵو هیچ کەسێ بیشنمۍ، مشیو گردیماوە هامکاری ئی دەگێما بیمۍ جە گردو بوارەکاوە.
ئازیزەکام، ئیسە ئېمە ئی دەگێما، هینەو گردیمانە، دەگاو گۆرەو گولانەیمانە، دەگاو واڵەو ئەڎا وەشەویسەکامانە، دەگاو شاعیرا و نویسەرا و مەڵڵایا و ماموسایامانە، دەگاو گەنج و پیریمانە جە هەر یاگ بیمی.
بەڕېزەکام، هام نیشتیمانیاو دەگاکېم، ئیسە دەگاکېما پەنەۋازش بە ئەنجومەنېوی عالی بەتوانای هه ن کە بنریورە پێ ئی دەگێ، بە ڕاستی ئینە بابەتیوی جدیا مەبۊ پەشتەو گوشا وزیو ئەر وېما بە خەڵکو ئی دەگێ بزانمۍ بەزووترین کات ئی ئەنجومەنە بنریونە بەهامکاری گردیماوە.
باوەڕکەردۍ ئیسە ئېمە ئانېما ئینایمۍ چێ تەمام بېکەسېنمۍ، تەمام بۍ گۆرېنمۍ، مەتاوو بواچو بېئەنجومەنینمۍ، قسېما مەویەرۊ، هیچ یاگیۆ هیچ دائیریوەنە تائیسە هەرچی هەرمانۍ کریەبا ئانە حاڵ نەبیەن تاکریانۍ، بەندە هامکاری سەرەکی بېیەنا چاحاڵەتانە بە ئەرکو سەرو شانەو وېم زانان، واجبم بېیەن کەکەرووش پێ دەگا سەربەرزەکېم، ئازیزەکام ئېمە دەمێوا کە کېشەو ئا ئاویما هه ن کەمێ پەی دەگێ، بە ڕاستی تەمام بېتام بیەن، چیلاو چۆلاوە سەرەشا کەردېنمېنە، ئا تۊزە بیرېما هەنە خەریکا ئاییچە مەمەنو بەراش و دەگاچ بېئاو گنۊ، جا زوو فریاو ئی ئاوۍ گنمۍ باتوشو کېشەی زیاتەری نەبیمۍ، چەنی هیچ کەسێ ئېمە نمەتاومۍ بەڕاسی گردجارێ دەنگە دەنگ کەرمۍ سەرو ئاوۍ، ئیتر مانیامی چەنی دەنگە دەنگی، ئەر زوو نەیدۍ دەمو کېشەکاماوە بە گردیماوە چارەسەرشا نە کەرمی هەرچی ڕوە بڎۊ ئینا گەردەنو گردو دەگاو بەڵخەی و بەتایبەت ئانېما کە ئیشتراکو ئا ئاوېما هەن جە دەگاکېنە گردیتا بەیدۍ سەرو خەتی پەی چارەسەرکەردەیش، ئازیزەکام، ڕوحە کام ئیتر با وەسۍ بۊ گرد دەگێوە چی هۆرامانەنە گۆرێش هەن ئەنجومەنێش هەن، هەرمانەکا کەرۊ پەی دەگێکېش، ئېمە ئینەما نېیا مەزا چی، هۊکارش مەزانو، ئی قسۍ مەبەستم خوانە خواسە پېسەو شەخسی نېیا کەکەروش، مەبەسم خودو دەگاکېن گۆرێش نېیا پەرس و ڕاش وەنە کەرمۍ، خەمما وەرۆ کېشەکاما کەم کەرۊوە، مشیو خەڵکو دەگێکی هەریو یاگیوە قسی کەرمۍ، ئینەیچە مەبۊ.
جە کۆتایەنە عەفوەم کەردۍ، من گەرەکم نەبۍ ئی پۆستەیە کەرو، بەڵام ناچار بېنا کە کەروش، من پېسەو هاموڵاتیوو دەگاکۍ ئی قسېمە کەردېنۍ، هیوا دارەنا بەزووترین کات ئەنجومەنێ بنریورە با نەجاتما بۆ جەکېشەو گەرا.
سڵامو ڕېزو برای گولانەو گردیتا قبوڵ فەرماودی جە نوێستەکێم، عەفوە کەردۍ من تەمەنا کەرو سیقەی تەمام هه ن بە دڵسۊزاو بەڵخەی بە پیادارەکاو بەڵخەی، بە کەسە ئازاو بەڕېزەکاو بەڵخەی، بە تەمامو بەڵخەیەکا، ئی جارە ئی کېشا چارە کەرا، سڵام پەی گردیتا، دوەبارە هام دەگایەکام جە هەر یاگێ هەندۍ.
کازم بەڵخەی.[1]