کورد دلۍ چەرخەکا تاریخینە
بەشۍ یەرەسەڎ و سی و چوارەمە
نویستەی: هاوڕێ باخەوان
ساڵەو (1927ز.):
* مانگەو (07) ئی ساڵېنە، قەرەخانی، یاردیدەرو شالیارو بەرو سۆڤیەتی، ڕېککۆتنامێوەش چەنی زەکی بەگی، کیانەرو تورکی مۊرە کەرڎە، بەپاو ئا ڕېککۆتەنامەیە سۆڤیەت دژو هەر ژڵېوێوە کوردی جە سەرنیشتو وڵاتینە مدرۊوە.
* تاریخو (#04-07-1927#ز.) شېخ مەحمووڎ و بابا عەلی کوڕش لوێ پەی بەغڎای، ئا سەفەرە بی بە هۊکارو ئانەی ئەمن و ئاسایېش بگنۊوە دلۍ ناوچەکەی.
* تاریخو (#19-07-1927#ز.) یاسێوە ڕەگەز پەرەسانۍ دلۍ تورکیاینە بەرەشییە، بە نامۍ یاساو ژمارە (1097)، کە ڕا بە داگیرکاری تورکی مڎۊ (1400) پیێ کوردی چەنی کەس و کار و ژەن و زاروڵەکاشا، کوردەسانۆ فاڕۊوە پەی سەرنیشتو تورکیای.
* مانگەو (09) ئی ساڵېنە، ماڕای پەلامارێ داگیرکاری تورکی پەی سەرو شۆڕشگېڕەکا سەرنیشتی جە ناوچەو (دۊڵەو زیلان)ی.
* تاریخو (#05-10-1927#ز.) جە هامنەهەوارو (بحمدون) وڵاتو لوبنانی، چن ڕۊشنویر و نامڎارێ و چن ڕېکۋزیێ کوردیۍ، چانېشا (کۊمەڵەو وەڵکۆتەو کوردەسانی، کۊمەڵەو کوردەسانی، کۊمەڵەو نەتەوەی کورڎی، کۊمەڵەو سەربەۋېیی) کۊنگرێشان بەست، دلېشەنە بانگو ئەرەمەرزنای کۊمەڵەو وېمانەبییەیشان دا.
* تاریخو (#14-10-1927#ز.) ئینگلیزەکۍ یەکەمین بیرە نۆتەو کوردەسانیشا جە باباگوڕگوڕ ئېستۆ.[1]