ئامێتەبییەی شیعرێ گۊرانیۍ دلې ئاوازە هۆرامییەکانە
ئانەی پەنەبزانو یان گۊشم پەی شل کەرڎەبۆ جە جەدروسبییەو گۊرانیە فۆلکۊریەکاو هۆرامانیەنە هەرجە سەردەمو یارسانی کە ئاوازەکېشا بەتەموور دێنێ وەنە تادماتەر بەئیسەیچۊ پێ نموونەی شیعرە دوە بڕگەیەکې دلې گۊرانیا چ دیوانەکې شاعیرەکا چ ئانێ دەماودەم موڵک و کەلەپورو نەتەوەکانێ واچېنی بڕگېوشا هۆرامېنێ و بڕگیوی تەرشا بەزوانی گۊرانی نویسێنێ
پەی نموونەی جەبەزمو ئەی کەڵی مل بەرزی گۊرانیاو چەپڵاو هونەرمەند عوسمان هۆرامی و جەهانبەخش غەفوری ماچۊ
ئەی کەڵی مل بەرز جوانڕۆیەکەم
ئەم شایی و زەوقە من بۊتۆی ئەکەم
عوسمان هۆرامی جواب مدۆوە:
دەردت لەماڵم ئازیز بۆ دیارت نیە
چوون جاری جاران شکارت نیە
یان گۊرانیەو چەپڵاو خڕبینایی دیدەم بېن و عوسمان هۆرامی و جەمیل نۆسووڎەی ماچاش
خڕبینایی دیدەم کۆترە کەی لامل زەڕ
خۆم ئەبم وە باران سەرگۆنات ئەکەم تەڕ
یان جەمیل نۆسووڎەی ماچۊ
هەیداد هەیبێداد حەشر هەڵساوە
ماجەرای گەردوون لای من ڕویداوە
ئینەو چڼە هانموونێ تەرو سەباح هۆرامی حەمە حسێن کېمنیی وچڼە هاتەرێ کە مەکریۊ چېگەنە بنوێسمێشا ئینەیچە پەس ئانەیەنە کە هۆرامی جۊرېو چانەیشە چەنەبییەن گەرەکش نەبییەن پەیامە هۆرامییە کە یان ئی ئاوازەوەشە تەنیا هۆرامی گۊشش پێ گېرۆ ۋەرو ئانەیەەە کۊرانێی تەنیا دیواخان و باخ و زەماوڼە کانە نەواچېنێ بەڵکو ئی هونەرە باریش دێنە پەی پەی وڵات و شارو تەنانەت ئێزگەو ڕادوین و تەلەفزیونی
پێ نموونەی ئێزگەو تەلەفزیون و ڕادوین و سنەی و کرماشانی و ئێزگەو تەلەفزیون و کەرکوکی
پەنە وازێ بېنې گۊرانیەکی قەتێسی نەبا جە لەهجېوې یان ڕوانیوەنە بەڵکو پەل یاونۆ پەی لەهجە کاو کرماشانی و جافی و کەڵهوری و باجە ڵانی و گەرمیانی هەرپۆکەی ئیسە گۊرانیەرەسەنەکې هۆرامانێ هەم لەهجەکې تەریاواشەنە هەمیچ جەڕوە و موزکی سوڼەتی ترازیۆ پیە ڕیتمە سەریعەکاو ڕیتمە کاو تەرو گۊرانیێ
ۋەرو ئانەیەەچەنە وەراوەر یاۋنە ئاوازە کەی کەفیەتەرین جەمعیەت گېرۆوە
پۆکەی ئاگۊرانیێ ئاوازەکەش تێکەڵەن جەهەر دوە لوهجە کاو هۆرامی و سۆرانی زېیاتەر گۊشش پەی گېریۆ.
یادگار ڕەئوف.[1]