ناڤ: دەرمان
ناڤێ بابی: خەمۆ
ساڵا ژدایکبوونێ: 1956
ڕۆژا بەرزەبوونێ: #09-02-1981#
جهێ ژدایکبوونێ: #بەعەدرێ# / #شێخان#
جهێ کۆچکرنێ: نەدیار
$ژیاننامە$
‏‎هۆزانڤان و مامۆستا دەرمان خەمۆ ل ساڵا 1956ی ل گوندێ بەعەدرێ یا سەر ب باژێڕوکێ شێخانێ ژ بنەماڵەکا جۆتیار و زەحمەتکێش هاتییه سەر دنیایێ، دەرمان دەست ب خواندنا خوە یا سەرەتایێ کرییه ل ساڵا 1962ی و ل ساڵا 1968 ب دوماهیک ئينايه. ‎د وێ ساڵێ دا بابێ وی ب ئەگەرێ نەخوشیەکێ گیانێ خو ژ دەست دا، ڤێ چەندێ کاریگەریەکا مەزن ل دەروونێ وی کر و خەم و کۆڤانێن وی زێدەتر کرن چونکه ئەو کوڕێ مەزن بوو و بارێ گران یێ بڕێڤەبرنا مالێ کەفته سەر ملێت وی، هەر ل ساڵا 1968ێ دەست ب خوەندنا خوە یا ناڤنجی کر و ل ساڵا 1972ی ب دوماهی ئینایه، پشتڕە ل پەیمانگەها بەرهەڤکرنا مامۆستايان ل باژێڕێ دهۆکێ بەردەوامی دا خواندنا خوە و ل ساڵا 1975ى ب دوماهى ئينا و ل ساڵا 1976ى هاته دامەزراندن ل قەزا حەزەر یا سەر ب پارێزگەها نەینەوا وەکە مامۆستایێ سه رەتایێ. بەهرەمەندیا هۆزانڤانیێ هەر ژ زاڕۆکینیێ لێ دیار بوو و ل ژیێ 12 ساڵیێ دا حەژ خواندن و ژبەرکرنا هۆزانا دکر و گوﮪ ددا هۆزان و سترانا ژ رادیۆیێ و ئێکەم هۆزانا خوە ل ساڵا 1975ى نڤيسى يه لبن کاریگەرییا ڕۆژانێن سەخت و دژوار یێن دگەل خێزانا خوە بۆراندین ل چیای، ژبەر کو ڕژێما بەعس گۆربەگۆر دیڤچۆنا وی دکر ژبەر کو ئەندام بوو د ئێکەتیا قوتابی و لاوێن کوردستانێ دا . هەر کەسێ دیفچۆنا بەرهەمێ وی بکەت دی نیشانێن خەمگینیێ دناڤدا ببینت، ژ ئەگەرێ کاودانێت سەخت یێن کو هۆزانڤانی ژیان تێدا بۆراندی، هەر وەسا کاریگەری یا سروشتی و هەستا نەتەوەیی و بزاڤا ڕزگاری خوازا کوردی بەر چاڤ دکەڤن. ل ساڵا 1980ی ڕژێما به عس ب زۆری بەرەف بەرەیێن شەڕی ڤە بر و ل ڕوژا 09-02-1981 ێ بەرزە بوويه و هەتا نها چاره نڤیسێ وی نەیێ دیاره.[1]