$ژیاننامە$
ساڵا 1933 ل #هەڤلێر#ێ ژدایکبوویە و خوەندنا سەرەتایی و ناڤەندیی ل هەڤلێر و قوناغا تمامیا خوەندنێ ل بەغدا بوویە. ساڵا 1958 کولێژا ماف تمام کرییە و ل دەستپێکا ژیانێ ژبو بزووتنەوەیا ڕزگاریخوازا کورد کار کرییە و وەکە تێکوشەرەکێ ناڤ ڕێزێن #پارتی دیموکراتی کوردستان# دەست ب خەباتێ کرییە و هەر لوێرێش دۆستایەتی وی تەڤی #مام جەلال# دەستپێکرییە.
$چالاکی$
شەمسەدین موفتی وەکە شۆڕشگێڕەکی ل یەکێتی قوتابیانی کوردستان، دەست ب خەباتێ کرییە و ساڵا 1954 لقا هەڤلێر یا یەکێتی قوتابیانی کوردستانی دامەزراند و بو ماوەیەکیش سەروکێ ڤێ سازیێ بوو کو وی سەردەمەی هەڤاڵ مام جەلال سەکرەتێرێ وێ بوو.
ل پشتی شوڕەشا 14ێ تەمموز بوویە نینەرێ #مەلا مستەفا بارزانی# و پارێزەری بارزانییان ژبو ئاکنجی کرنا وانا ل هەڤلێرێ، هەروەسا ئێک ل وان 10 کەسان بوو کو ب فەرمی موڵەتا کارکرنێ ژبو پارتی وەرگرت.
ماڵا وی ل بەغدادێش ببوویە جهێ مان و ڤەشارتنا شوڕشگێڕ و تێکۆشەرێن وەکە مام جەلال و د. عەبدولڕەحمان #قاسملۆ#.
چەند مەهەکان بەر ل دەست پێکرنا شوڕەشێ دەچیتە چیا ب مەرەما ئامادەکاری و ڕێکخستنێن نهێنی ژبو ڕیبەڕیبوونا هەر ئەگەرەکێ، لەوما پێنج مەهان بەریا شوڕەشا ئەیلولێ فەرمانا گرتنا وی ژئالێ حکومەتا عەبدلکەریم قاسم ژێڕە دەرچوو.
وی دخواست وەکە سەربازەکێ نەدیار ئەرکێن نشتیمانی و نەتەوەی ئێن وە ڕابپەڕێنیت، لەوما هەیا د ژیانێ دە مابوو نموونەیا مرۆڤێ ڕاستگۆ و خۆشتەڤی یێ گەلێ خوە بوو و هەردەم کەسایەتییەکە ڕێزدا و نزیکبوو ل خەلکێن زەحمەتکێش و بەتایبەت جووتیاران.
شەمسەدین موفتی پێشتر ئەندامێ پەیوەندیێن دەرڤە و نینەرێ شوڕەشێ بوو ل تەهرانێ، پشتی تێکچوونا شوڕەشا ئەیلولێ ئیرادەیا بەرگری کرنێ ل ناخا ویدە یا زندی بوو، لەوما زور ئەکتیڤانە پشکدارییا ڕێکخستنێن ڕیزێن بزووتنەوەیا کوردایەتیێ و ل ڕییا دۆستایەتی دگەل مام جەلال-دا پشکداریا پشتیووانیکرنا هەوڵ و کارکرنێ ل هەمبەر ئەرکێ شۆڕشگێڕیدا و دیسان ڕاگهاندنا شوڕەشێ ل ساڵا 1976.
ل ساڵا 1977دا پەیوەندی ب شوڕەشێ ڤە کر، نەمر لوان کەسانبوو کو هەردەم وهەوارا ئێکبوونا گەلێ کورد دکر.
پشتی ڕاپەڕینا 1991 ڕوڵەکێ گرنگ هەبوو ل هەڵبژاردنێن پەرلەمان و پێکهینانا حکومەتێ و چەند جاران ژی یەکێتی و پارتی داخازیا وەرگرتنا پۆستەکی لێکر، لێ وی پێ باش بوو وەکە کەسایەتییەکێ دڵسۆز ژبو کوردایەتیێ پشکداری ل پڕۆسەیا سیاسیا کوردستانێ بکەت.
ناڤبری ل ڕوژا #05-09-2012# ل هۆڵەندا وەغەرا داویێ کر.
[1]