- جەنابی سەرۆککۆماری عێراقی فیدراڵ!
- دەوڵەتمەداری بەرێزی عێراق!
-سەرۆکی پەرلەمانی عێراقی بەڕێز!
لەکاتێکدا، وردەوردە ئومێدی چارەسەرکردنی کێشەکانی نێوان عێراق و هەرێمی کوردستان زیاتر دەبێ و هەنگاوی باشیش لەو پێناوەدا نراون. کەچی بەداخەوە، لەدوای ڕوداوەکانی 16/ی ئۆکتۆبەرەوە، کە زیاتر لە (6 مانگ)ە؛ لەکەرکووک، خانەقین، شنگال، جەلەولا، سەعدیە، قەرەتەپە و ناوچەی دیکەش، هێشتا دەسەڵاتی عەسکەری و ئەمنی ڕێگەنادەن بارەگای حیزبە کوردستانییەکان، کە حیزبی ڕەسمی و یاسایین، بکرێنەوە. تەنانەت لەم هەڵمەتی هەڵبژاردنەشدا، هێشتا فشاری نادەستووری لەسەر هێزە کوردستانییەکان هەن. بەڵکو لە زۆر شار و شارۆچکەدا ماڵی بەرپرس و کادرانی لایەنە کوردستانیەکانیش، داگیرکراوون.
بەڕێزینە!
ئاشکرایە لای جەنابتان، بەمشێوەیە سەپاندنی دەسەڵاتی عەسکەری و ئەمنی، پێچەوانەی دەستوور و ڕێسای پەیوەندیەکانمانە. بەردەوامبوونیش لەسەر سیاسەتی زەوتکردنی مافی ئازادی سیاسی لایەنەکان، لەو ناوچانەدا، گومانێکی زیانبەخشی لای ڕای گشتی ناوچە کێشەلەسەرەکان دروستکردووە و بەدووریشی نازانین، ڕووداوی زیانبەخشی لێبکەوێتەوە.
بۆیە، داوامان لەبەرێزتان ئەوەیە بەزووترین کات، بڕیاری چارەسەری ئەم کێشە یاساییی و مافە سیاسیە بدەن.
لەگەڵ ڕێزی
مەکتەبی سیاسی
#یەکێتیی نیشتمانیی کوردستان#
#23-04-2018#
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,717 car hatiye dîtin
Raya xwe li ser vî babetî binivîsin!