رووداو-هەولێر
لە شنۆ حەوت هاونیشتمانی لە لایەن هێزە ئەمنییەکانی ئێرانەوە دەستگیرکران و کەسوکاریان دەڵێن، تووندوتیژییان بەرامبەر کراوە.
هێزەکانی ئیتڵاعاتی ئێران، ئەمڕۆ چوارشەممە 13-07-2022 لە گوندی بێمزورتێی شنۆ، سێ هاونیشتمانییان بە ناوەکانی مەلا محەممەد تەهازادە، فەرحان ئیبراهیمی، عەبدولڕەحمان سادقی دەستگیرکرد. هاوکات چوار کەسی دیکەشیان دەستگیرکرد کە خەڵکی گوندی سینگانیشن بە ناوەکانی فەرهەنگ و سیامەت کەرامەتی، پیرۆت تابناک و خۆشناو عەینی.
کەسێکی نزیک لە دوو کەسە دەستگیرکراوەکەی شنۆ بە تۆڕی میدیایی ڕووداوی ڕاگەیاند، هێزەکانی ئیتڵاعات هەڵسوکوتی تووندوتیژانەیان لەگەڵدا کردوون و هۆکاری دەستبەسەرکردنیانی ڕووننەکردووەتەوە و دیار نییە لە شنۆ ماون یان گواستراونەتەوە بۆ شوێنی دیکە.
رێکخراوی مافی مرۆڤی هەنگاو دەڵێت، شەوی ڕابردوو بە بۆنەی ساڵیادی تیرۆرکردنی د. عەبدولڕەحمان قاسملو، لە بڵندگۆی مزگەوتی گوندی بێمزورتێی شنۆ، دەنگی د. قاسملو بڵاوکراوەتەوە و ئەو کەسانەی لەو گوندە دەستبەسەرکراون پێشنوێژ، ئەندامی ئەنجوومەن و موختاری گوندەکەن.[1]
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 995 car hatiye dîtin
Raya xwe li ser vî babetî binivîsin!