کورد دلۍ چەرخەکا تاریخینە
بەشۍ: یەرەسەڎ و هەشتەمە
نویستەی: #هاوڕێ باخەوان#
ساڵەو(1923ز.):
* تاریخو(#07-01-1923#ز.) ئیسماعیل خانو سمکۆی ئامان پەی سلێمانی و پېوایێ گەرمش کریان جە لاو شېخ مەحمووڎی و خەڵکیۆ.
* تاریخو(#08-01-1923#ز.) جە پېوایی سمکۆینە، تەمامو دووکان و فەرمانگە ڕەسمییەکۍ شارو سلێمانی ۋزیێنېرە.
* تاریخو(#10-01-1923#ز.) ژمارە(8) ڕۊنامەو ڕۊ کوردەسانی بەرشییەن.
* تاریخو(#20-01-1923#ز.) پاڎشاو کوردەسانی شېخ مەحمووڎی بەرزنجی نامێوەش ئاراسەو یەکیەتی سۆڤیەتی کەردە، تاکو دژو داگیرکەری ئینگلیزی یاردیش بڎان، بەڵام هیچ جوابێشا نەڎاوە، شېخ مەحمووڎ دلۍ نامەکېنە ماچۊ: ساڵەو(1917ز.) وەختێ دنیا گۊشش کۆت دەنگو ئازادی ڕاسەقینەی، زاناش کە گەلەکەتان چېرو چنگا چۆسنەرا و تاوانکارانە ڕزگارش بییەن، تەمامو گەلا دنیێ شاڎمانۍ بیۍ، ئارۊ گەلو کوردی دەسو یاردیدایش پەی لاو شمە کېشتەن و بە دڵسۆزیۆ ئاواتەوازا چەنی شمە بە دۊسی برایی بژیوۊ، لانی کەم هیواو ئانەیما هەن کە گەلو کوردی مافە نەتەوەییە ڕەواکا وېش دەس بارۊن. شمە جە گیر و گرفتو تەقە مدرنای هاگاڎارېندۍ و مزاندېچ کوردەسانو پانیشتی دژو کۍ خېزیان، مزاندېچ پەیلواو دۆڵەتە هامسایەکا وەراوەر ئا جۊرە مەسەلا چەنینەن. نمەکریۊ گرڎ چېوێ بە درېژی بنویسمۍ، چونکوم پېوەڼی دیبلوماسی میانو ئېمە و سۆڤیەتینە نییەن، کە بڕوامان پەنەش هەن و بە پەشتەو وېماش مزانمۍ. چەنی ئانەیچە مەتاوو چېوێ بواچوو: گەلو کوردی گردش پاسەمزانۊ گەلو ڕووسی، وەرکۆتی ڕزگار کەرۊن. ئیسە ئانەی پەی ئېمە یاگۍ ئېژاین یاردی شمەن پەی کېشە ڕەواکەیمان، گەلو ئېمە بە پەلە چەمەڕان کە میانو ئېمە و شمەنە پېوەڼی مەرزیۊراوە.[1]
This item has been written in (هەورامی - Kurdish Hawrami) language, click on icon
![](https://www.kurdipedia.org/images/flags/ku.png)
to open the item in the original language!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
This item has been viewed 116 times
Write your comment about this item!