نامۍ: فەرەیدون
نازنام: دکتۆر فەرەیدون عەبدول بەرزنجی
نامۊ تاتەی: عەبدول
یاگۊ پېڎابېیەی: شارو سلێمانی
$ژیۋاینامە$
شاعېرو نویسەری ئەشناسیاو شارو سلێمانی فەرەیدون عەبدول بەرزنجی، بنەچەشان جە شېخەکانو بەرزنجەیەن کە وەڵینێوە ئایینی و ئەدەبی و ماریفیی قووڵشان هەن. جە تەمەنو زاروڵەییشۆ خولیاو ئەدەبی و فەرهەنگی بېیەن، زیاتەریچ زوانی کوردی بە گردو دیالێکتەکاشۆ، یام شېوە زوانەکاشۆ، پەوکەی جە ئەوەڵو ژیوایشۆ ڕای درووسەن گېرتېنە، دەرەتانو ۋانایش دلۍ فەرهەنگی و ئەدەبېیاتی و زوانی کوردینە مەرزدارە کەردېنە. بە سەرکۆتەیی ۋانایش تەمامنان، دلۍ حەزەکا وېشەنە کە زوانەکەشەن پسپۆریش گېرتەن، دماتەر پېسە مامۊسێوە سەرکۆتەی و بەهرەمەڼی خەریکو دەرس واتەیۆ بېیەن دلۍ زانشتگاکا کوردەسانینە، دەرسو دیالێکتەکا زوانی کوردیش واتەنۆ، زېیاتەریچ شېوە زوانو هۆرامی، کە خاوەنو تاریخێ قووڵی و ئەدەبېیاتێ دۊڵەمەڼییەن.
نامدار، چەنی بوارو زوانەوانیەکەیش تاوانش دلۍ دنیاو شېعرېنە بەهرەو وېش بېزۊوەو سەرکۆتانە خیاڵە ناسک و جوانەکاش بە نوکو قەڵەمەکەیش پېسە دڼە گۆهەرا سەرو سەفحەو حەریریۆ نەخشنۊ. فرەو شېرەکاش داراو ئاوازینی، کریێنی بە گۊرانیۍ.
ئەسعەد ڕەشید.[1]
ئەم بابەتە بەزمانی (هەورامی - Kurdish Hawrami) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە 418 جار بینراوە
ڕای خۆت دەربارەی ئەم بابەتە بنووسە!