دواڕۆژ، بورهان یەحیا
ل چەند رۆژێن بۆرى ل باژێڕێن جودا یێن رۆژهەلاتا کوردستانێ 4 #کۆلبەر# و کاسبکارێن کورد هاتینە کوشتن و دو کاسبکارێن باژێڕێ کرمانشاە ل دەڤەرێن سنۆرى ل بورلان-یارمق ژبەر پەقینا مینەکێ ب گرانى بریندار بووینە و چ پێزانین لسەر رەوشا ساخلەمییا وان بەردەست نینە.
ب گۆرەى راپۆرتا کۆمەلا مافێن مرۆڤى کوردستان کو دانەیەک بەردەستێ دواڕۆژە هاتییە کو؛ ل رۆژانێن بۆرى ترومبێلەکا وەلاتییەکێ کورد ژلایێ هێزێن ئێمناهییا ئیرانێ ڤە دەستدرێژییا گوللەى لێ هاتییەکرن و ئەوێن دناڤ تورمبێلێ دا گیانێ خۆ ژدەست داینە، کو فەرەج کەریمى شۆفێر بوویە و هێزێن ئێمناهیێ گومانێ ژێ دبەن و ل دەڤەرا ماهیدەشت سەر ب پارێزگەها کرمانشاه دەستدرێژییا گوللەى لێ دکەن و گیانێ خۆ ژدەست ددەت، دیسا هەر ل رۆژانێن بۆرى ل دەڤەرا سنجابى ل کرمانشاە تەقە ل کاسبکاەرکى هاتەکرن و گیانێ خۆ ژدەستدا.
زێدەتر هاتییە کو؛ ل چەند رۆژێن بۆرى 4 کۆلبەر و کاسبکار ل رۆژهەلاتا کوردستانێ هاتینە کوشتن کو دوو ژوان کاسبکارێن کرمانشاهێ بوون و ل دەڤەرێن سنۆرى ل بۆرلان – یارمق دوو کۆلبەرێن دى ژبەر پەقینا مینەکێ ب گرانى بریندار بووینە.
کۆمەلا مافێن مرۆڤى کوردستان رۆهنکرییە کو؛ ب گۆرەى ئاماران ل سالا 2016ێ 107 کۆلبەرێن رۆژهەلاتا کوردستانێ ژلایێ هێزێن ئێمناهیێ ڤە یان هاتینە کوشتن یان بریندارکرن و 10 کۆلبەرێن دى ژبەر روودانێن سروشتى گیانێ خۆ ژدەست داینە و ل دەستپێکا ئەڤ سالە 61 کۆلبەر هاتینە کوشتن و بریندارکرن و 4ێن دى ژى ژبەر هەڕفینا بەفرێ گیانێ خۆ ژدەست داینە.
ئاماژە هاتییەدان کو؛ د 57 کارەساتێن پەقینا مینان ل دەڤەرێن جودا یێن رۆژهەلاتا کوردستانێ 12 کەس هاتینە کوشتن و 45 کەس بریندار بووینە و ب تنێ ل سالا 2017ێ ژبەر پەقینا مینان 7 کەسان گیانێ خۆ ژدەست داینە و 27 کەسێن دى ژى بریندار بووینە کو دوو ژوان برینداران گیانێ خۆ ژدەست داینە و 3 یێن دى ژى زارۆنە و مەترسیێن پەقینا مینان ل رووبەرێ پترى 706 هزار هکتارێن رۆژهەلاتا کوردستانێ هەنە.[1]
15-09-2017
ئەم بابەتە بەزمانی (کرمانجی - Upper Kurdish (Arami)) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 7,889 جار بینراوە
ڕای خۆت دەربارەی ئەم بابەتە بنووسە!