بەناوی خودای بەخشندە و میهرەبان
زۆر نیگەرانین لە پەرەسەندنی توندوتیژی و ڕووداوە خوێناوییەکانی چەند ڕۆژی ڕابردووی بەغدا و نەجەف و زۆر بە توندی ئیدانەی خوێنڕێشتن و کوشتن و بەکارهێنانی توندوتیژی لەدژی خۆپێشاندەران دەکەین.
داوا دەکەین حکوومەتی عێراقی و دامودەزگای ڕەسمی و پەیوەندیدارەکان ئەرکی خۆیان لە ڕێگەگرتن لە خوێنڕێشتن و پاراستنی گیانی هاووڵاتیان و خۆپێشاندەران جێبەجێ بکەن. پێویستە لایەنە سیاسییەکانیش بۆ گەییشتن بە چارەسەر، بە زمانی عەقل و مەنتیق مامەڵە لەگەڵ ئەو قەیرانە قووڵە بکەن کە بەرۆکی عێراقی گرتووە.
هەر لێرەیشەوە پشتیوانی خۆمان بۆ داوا ڕەواکانی خۆپێشاندەران و هاووڵاتیان دووپات دەکەینەوە و، سەرەخۆشی لە کەسوکاری قوربانیان و شەهیدانی ڕووداوەکانی ئەم دواییەی عێراق دەکەین و هیوای چاکبوونەوەی خێرایش بۆ برینداران دەخوازین.
مسعود بارزانی
#06-02-2020#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!