#چەتۆ ساڵح#، ئەندامی سەرکردایەتی #یەکێتیی نیشتمانیی کوردستان# لە دیمانەیەکی ڕۆژنامەوانیدا ڕایگەیاند:
- #لاهور شێخ جەنگی#، لەم نزیکانە سەردانی #پارتی دیموکراتی کوردستان# دەکات، مەبەستی سەردانەکە پیادەکردنی دەسەڵاتەکەیەتی وەک هاوسەرۆکی یەکێتیی نیشتمانی.
- سەردانەکان بۆ جەختکردنەوەیە لە ئەنجامدانی هەڵبژاردن لە کاتی خۆیدا، لەبەر ئەوەی هەڵبژاردن ڕووی گەش و جوانی هەرێمی کوردستان بووە، کە لە کاتی خۆیدا ئەنجامی داوە. لاهوور جەنگی پێی وایە هیچ شتێک نابێ ببێتە پاساو بۆ دواخستنی هەڵبژاردن.
- هاوسەرۆکیی مافێکی ڕەوای لاهور شێخ جەنگییە، لە کۆنگرە بە دەنگی یەکەم بەدەستی هێناوە. کاتێکیش سەردانی هەر لایەنێک دەکات، کەسانی پلە یەک پێشوازیی لێ دەکەن و وەک هاوسەرۆک مامەڵەی لەگەڵدا دەکرێت.
- پارتی حزبێکی سەرەکی و کاریگەرە، لە ئاییندەیەکی زۆر نزیک دادەنیشین لەگەڵی، لەو کۆبوونەوانەش کە لەگەڵ لایەنەکانی دیکە ئەنجامیدا، پێی گوتن کە سەردانی برایانی پارتی و لایەنەکانی دیکەش دەکەین.
- لە ئەجێندای کاری کاک لاهورە، سەردانەکە لە #هەولێر# دەبێ و بەشێوەیەکی فەرمییش دەبێ و لە ئاستی باڵا کە ڕەنگە لەگەڵ جێگری سەرۆکی پارتی کۆببێتەوە.
- نە #بافڵ تاڵەبانی# و نە کەسی دیکە ناتوانن ڕێگری لێ بکەن، لاهور جەنگی ئارمگر و پشوودرێژە. [1]