نۆ شیری هەبوو یەکەم «ذو الفقار»
«حنف» و «قلعي، مأثور» و «بتار»
«عَضب» و «قضيب» و «مخذم» و «رسوب»
حەوت کراسی زرێی مەحکەم و مەرغووب
«ذات الحواشي» هەم «ذات الفضول»
«ذات الوحاش» و «سعديه»ی مەقبووڵ
«خرنق» و «بتراء»، «فضّة» تەواوە
کراسی زرێین و «دِرع»یان ناوە
شەش کەوانی بوو «سِداد» و «صفراء»
«کتوم» و «روحاء»، «شوحط» و «ذوراء»
چوار ڕم، سێ قەڵغان، جەعبەی کافوور ناو
پشتێنی قایش، سێ هەڵقەی لە ناو
دوو حەڕبەیشی بوو بچووک و گەورە
دوو مەغفیری بوو شای ساحێب دەورە
کڵاوی زرێی کە ئەیکەنە سەر
لە کاتی شەڕا بۆ دەفعی زەرەر
گۆچانێکی بوو یەک زەرعی نەجیب
عاسایێکی بوو «مخصره» و «قضيب»
«قضیب» دارێکە ڕێک و مونتەزەم
بە وێنەی گۆچان، بەبێ چەم و خەم
ئەمما «مخصره» بە قەد دوو بستە
بۆ کاتی قسە و ئیشارەی دەستە
ئاڵایێکی بوو لە کاڵایێ ڕەش
«عقاب»ی ناو بوو، غەیرە مونەققەش[1]
هۆنەر: #مەلا عەبدولکەریمی مودەریس#
پەرتووکی: #بارانی ڕەحمەت#