ئەو ترشە بەترشان ناچی
ترش: بەری داری سماقە، کە وەکوو هێشووەترێیە بەڵام دەنکۆڵەکانی سماق وەکوو نیسکن، کەسێکیش ڕووی گرژ ومۆن بێت دەوترێت: ڕوو ترشە یان #تڕ ترش#ە، خۆراکێک یان بەرهەمێکی کشتوکاڵی بەهۆی زۆر مانەوەی لە شوێنێک و کۆن بوونی دەترشێت، کەسێکیش زۆر لەسەر یەک خەوتبێت دەوترێت: ترشاوە، ئاو و ترش دەبێتە ترشاو و...تاد، لە سنووری دەشتەکییەکانی #هەولێر#ێ ئیدیۆمێکی جوانی لێ درووستکراوە، بۆ کارێکی قێزەون و دزێو و ناشیرین و ئابڕووبەرانە کە بەکاران نەچێت و کەڵکی گێڕانەوە و باس و خواس و ڕووی کۆڕ و کوبوونەوەی کوردەواری نەیەک وەکوو بڵێی بەردێکی لەسەر دانێ دەوترێت: ئەو ترشە بە ترشان ناچی.[1]