دواڕۆژ، بورهان یەحیا
رێڤەبەرێ چاندنێ ل دەڤەردارییا #زاخۆ# راگەهاند؛ ل سنۆرێ دەڤەرداریێ 120 هزار دۆنەمێن ئەردى ب بەرهەمێن جودا هاتینە چاندن و گەنم ل رێزا ئێکێ ب 90 هزار دۆنەمان دهێت.
ئەحمەد سامى، رێڤەبەرێ چاندنێ ل دەڤەردارییا زاخۆ بۆ دواڕۆژ رۆهنکر بەراورد دگەل جەه و نوکان ل زاخۆ 75% گەنم دهێنە چاندن و کو دبیتە 90 هزار دۆنەم و بۆ ئەڤ سالە ژبەر زێدەبوونا رێژەیا هاتنا بارانان بەرهەمەکێ باشتر بدەست جۆتیاران کەڤتبوو.
خویاکر هەر چەندە رێژەیا بارانان ئەڤ سالە پتر بوو لێ دگەل هندێ ئاستێ رووبارێ زاخۆ کێم بوویە چونکو ب سەدان ماتۆرێن ئاڤێ ب قەبارەیێن جودا لسەر هاتینە دانان و کاریگەرییا خۆ هەبوویە و دگەل هندێ ژى گەرما ل وەرزێ هاڤینێ ژ ئەگەرێن دى یێن کێم بوونا ئاڤێ یە.
ئاماژەکر وەکو بەرهەمێ کەسکاتیێ ژى شتى ل رێزا ئێکێ دهێت و دووڤدا پتات و ب ڤى رەنگى کو نێزیکى 1300 تەنێن شتى دهێتە بەرهەمئینان و پتات ژى 1180 تەن و ب دووڤدا بەرهەمێ خیار و باجان و یێن دى دهێن.
دیارکر ب شێوەیەکێ گشتى ل سنۆرێ زاخۆ 120 هزار دۆنەمێن ئەردى دهێنە چاندن کو پتر ژ هەموویان گەنم ب رێژەیا 90 هزار تەنانە و پاشى جەه و نۆک و پیڤاز و خیار و شتى و پتات دهێن، لێ چونکو ل وەرزێ بەرهەمى رێژەیا وێ ل بازاڕى زێدە دبیت ئێکسەر بهایێ وێ دهێتە خوارێ و ژ مفایێ جۆتیاران کێمتر لێدهێت.[1]
#17-07-2018#