بەداخەوە هەواڵى کۆچى دواييى کەسايەتى و تێکۆشەرى ديارى کوردستان خوالێخۆشبوو حەيدەر فەيلى، ئەندامى پێشووى مەکتەبى سياسيى حزبى شيووعيى کوردستان و وەزيرى پێشووترى گواستنەوە و گەياندنى حکوومەتى هەرێمى کوردستانم پێگەيشت.
بەم بۆنە خەمناکەوە پرسە و سەرەخۆشيى قووڵم ئاراستەى خێزان و کەسوکار و هاوڕێيانى دەکەم، هاوسۆز و هاوخەميانم. لە خواى مەزن داواکارم گيانى بە بەزەيى و ميهرەبانيى خۆى شاد بکات و ئارامى و دڵنەوايى بە هەمووان ببەخشێت.
خوالێخۆشبوو حەيدەر فەيلى، نموونەى مرۆڤێکى پاکى نيشتمانپەروەر و دڵسۆزى کوردستان بوو، تەمەنێکى لە کاروانى پێشمەرگایەتی و خەبات و تێکۆشاندا بۆ ئازادى بەسەر برد و لەو پێناوەدا ساڵانێکى زۆر بەرگەى زيندان و ئازار و ئەشکەنجه و ئاوارەیی گرت. هەميشە دەيويست ئەوپەڕى خزمەت بە گەل و وڵاتەکەى بکات و خۆى بە خزمەتکارى خەڵک دەزانى. گيانى شاد و يادى هەميشە بە خێر بێت. [1]

#نێچيرڤان بارزانى#
سەرۆکى هەرێمى کوردستان
#04-05-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=